+24 °С
Ямғыр
Эшҡыуар
5 Март 2021, 08:21
“Башнефть” тәбиғәтте һаҡлауға аҡса йәлләмәй
Ер ҡуйынынан нефть һәм газ сығарыу тирә-яҡ мөхиткә кире йоғонто яһамаһын өсөн тармаҡ предприятиелары тәбиғәтте һаҡлау сараларын башҡара һәм был эшкә ҙур аҡса һала. Былтыр “Башнефть” акционерҙар нефть компанияһы, мәҫәлән, үҙе эшләгән биләмәләрҙә тәбиғәтте һаҡлау проекттарына 5,6 миллиард һум тотонған. Был проекттар үткәргес торбаларҙың ышаныслылығын арттырыу, сәнәғәт ҡалдыҡтарын зыянһыҙ утилләштереү, эйәрсен нефть газын файҙалы тотоноу, ерҙәрҙе рекультивациялау, урмандарҙы тергеҙеү, ихтиофаунаны тулыландырыу кеүек маҡсаттарға хеҙмәт итә.
Ер ҡуйынынан нефть һәм газ сығарыу тирә-яҡ мөхиткә кире йоғонто яһамаһын өсөн тармаҡ предприятиелары тәбиғәтте һаҡлау сараларын башҡара һәм был эшкә ҙур аҡса һала. Былтыр “Башнефть” акционерҙар нефть компанияһы, мәҫәлән, үҙе эшләгән биләмәләрҙә тәбиғәтте һаҡлау проекттарына 5,6 миллиард һум тотонған. Был проекттар үткәргес торбаларҙың ышаныслылығын арттырыу, сәнәғәт ҡалдыҡтарын зыянһыҙ утилләштереү, эйәрсен нефть газын файҙалы тотоноу, ерҙәрҙе рекультивациялау, урмандарҙы тергеҙеү, ихтиофаунаны тулыландырыу кеүек маҡсаттарға хеҙмәт итә.
Билдәле булыуынса, “Башнефть” компанияһы “Роснефть” составына инә һәм төп компанияла ҡуйылған талаптарҙан тайпылмай. Киләсәк быуындар өсөн тирә-яҡ мөхитте һаҡлау “Роснефть” нефть компанияһында корпоратив мәҙәниәттең һәм эшмәкәрлектең айырылғыһыҙ бер өлөшө булып тора. Компания тәбиғәткә кире йоғонтоно кәметеү һәм производствоның тирә-яҡ мөхиткә зыянһыҙлығын күтәреү буйынса алдынғы урындарға сығыу өсөн бөтәһен дә эшләй.
“Башнефть”тең нефть сығарыу буйынса төп эшмәкәрлеге Башҡортостанда бара. Үткәргес торбаларҙың ышаныслылығын күтәреү программаһын планлы үҫтереү арҡаһында былтыр республикала торбаларҙың эштән сығыу осраҡтары элгәрге йылғынан 11 процентҡа кәмегән. 309 километр оҙонлоғонда промысла үткәргес торбалары яңыға алмаштырылған.
“Башнефть” газ программаһын да уңышлы тормошҡа ашыра. Шуның һөҙөмтәһендә Башҡортостанда эйәрсен нефть газын мәнфәғәтле ҡулланыу кимәле 96 процент (норматив – кәм тигәндә 95%) тәшкил итә, ә республикалағы иң ҙур Арлан ятҡылығында был күрһәткес 99 процентҡа еткән. 2020 йылда ошо программа сиктәрендә Дыуан районында электр станцияһы реконструкцияланған һәм файҙаланыуға тапшырылған. Һөҙөмтәлә йыл һайын 750 мең кубометр эйәрсен нефть газы халыҡҡа уңайлыҡтар арттырыу маҡсатына тотонола.
2020 йылда “Башнефть” 155 мең тоннанан ашыу нефтле ҡалдыҡтарҙы эшкәрткән. Ҡалдыҡтарҙы утилләштереү махсуслаштырылған майҙансыҡтарҙа хәҙерге заман технологиялары ярҙамында башҡарыла. Был технологияларҙың бөтәһе лә дәүләт экологик экспертизаһын үткән һәм тирә-яҡ мөхит өсөн иң хәүефһеҙ ысул тип табылған. Бынан тыш, “Башнефть” 2020 йылда Башҡортостандағы нефть сығарылған урындарҙағы 1500 гектарҙан ашыу ерҙәрҙе рекультивациялаған.
Нефть эшкәртеү юҫығында “Башнефть” компанияһы 2020 йылда төп етештереү объекттарын модернизациялауҙы дауам итте. Былтыр октябрҙә Башҡортостан Республикаһы менән “Башнефть” акционерҙар нефть компанияһы араһында инвестицион килешеүгә ҡул ҡуйылғайны. Уға ярашлы, Өфө нефть эшкәртеү комплексында элементар көкөрт етештереү буйынса резерв технологик линияһын төҙөү ҡаралғайны. Объект файҙаланыуға тапшырылғас, “Башнефть-УНПЗ” комплексында көкөртлө-водородлы газды утилләштереү күләме артасаҡ. Был зарарлы газ экологик стандарттарға яуап биргән юғары сифатлы Евро-5 мотор яғыулығын, шулай уҡ көкөрт һәм башҡа зарарлы матдәләрҙән мөмкин булған тиклем таҙартылған Евро-6 яғыулығын етештергән саҡта бүленеп сыға.
2020 йылда “Башнефть” байтаҡ һандағы “йәшел” инициативалар менән сығыш яһаны. Улар Башҡортостан Республикаһында, Ненец һәм Ханты-Манси автономиялы округтарында һыу ресурстарын тергеҙеүгә, таҙартыуға, йәнләндереүгә йүнәлтелгән. Был төбәктәрҙең һыу объекттарына “Башнефть” хеҙмәткәрҙәре 1,2 миллиондан ашыу ҡиммәтле балыҡтарҙың селбәрәләрен ебәрҙе, бөтәһе 5,5 квадрат километр майҙанда яр буйҙарын көнкүреш ҡалдыҡтарынан, сүп-сарҙан таҙартты. Башҡортостан нефтселәре республиканың бер нисә төбәгендә 60 гектар майҙанды йәшелләндерҙе, урмандарҙы тергеҙеү маҡсатында 240 меңдән ашыу шыршы һәм ҡарағай ултыртты.
Компанияның производство объекттары тирәләй экологик мониторингты даими ойоштороу һәм алып барыуға айырыуса ҙур иғтибар бүленә. 2020 йылда был биләмәләрҙә анализға пробалар алыу һаны 145 меңдән артып киткән һәм 2019 йыл менән сағыштырғанда 6 процентҡа күберәк булған. Һөҙөмтәле экологик контроль тирә-яҡ мөхитте һаҡлау йүнәлешендә ихтимал булған хәүефтәр барлыҡҡа килеүен бермә-бер кәметә һәм иҫкәртә.
Белешмә:
“Башнефть” акционерҙар нефть компанияһы асыҡ акционерҙар йәмғиәте – илдең нефть һәм газ тармағындағы бик әүәлдән эшләп килгән предприятиеларының береһе, ул нефть һәм газ сығарыу һәм эшкәртеү менән шөғөлләнә. “Башнефттең” төп активтары, шул иҫәптән нефть эшкәртеү һәм нефть химияһы комплексы, Башҡортостан Республикаһында урынлашҡан.
Нефть һәм газ разведкалау һәм сығарыу шулай уҡ Ханты-Манси автономиялы округы – Югра, Ненец автономиялы округы, Ырымбур өлкәһе һәм Татарстан Республикаһы территорияларында ла тормошҡа ашырыла.
