+21 °С
Болотло
Эшҡыуар
9 Май 2021, 11:00
Береһе – мәктәп, икенсеһе цех асырға ниәтләй
Буласаҡ йүнселдәрҙең икеһенә лә финанс ярҙамы кәрәк.
Дүртөйлө районы хакимиәте мәғлүмәттәренә ярашлы, районда Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты уңышлы тормошҡа ашырыла.
Ошо көндәрҙә уҙғарылған “Эшҡыуарлыҡ сәғәте”ндә үҙ эшен асырға теләгән ике кеше ҡатнашты. Уларҙың тәүгеһе педагогик белемгә эйә, һәм йәш химиктар мәктәбен асырға хыяллана. Икенсеһе – металл оҫтаһы. Ул шәхси эшҡыуар булараҡ теркәлеп, йыйыу элементтары буйынса цех асырға ниәтләй. Буласаҡ йүнселдәрҙең икеһенә лә финанс ярҙамы кәрәк. Белгестәр уларға “Дүртөйлө районында бәләкәй һәм урта эшҡыуарлыҡ субъекттарын үҫтереү һәм уларға булышлыҡ итеү” муниципаль программаһы буйынса финанс ярҙамы алыу йәһәтенән кәңәш бирҙе.
Әйткәндәй, Дүртөйлө районында үҙенең эшен асырға теләгәндәрҙе “Эшҡыуарлыҡ сәғәте”ндә ҡатнашырға саҡыралар. Бының өсөн Башҡортостандың Инвестиция порталында (https://investrb.ru/ru) теркәлергә йәки 8 (34787) 2-26-89, 2-19-48 телефондары аша яҙылырға кәрәк.
Фото: srk.nationalpriority.ru/press_releases/95216
