Был хаҡта белмәй ҡалмағыҙ!

20 – 24 октябрҙә Екатеринбург ҡалаһында Бөтә Рәсәй “Иван-да-Марья” халыҡ-һынлы сәнғәт кәсептәре һәм һөнәрҙәре оҫталарының фестивале үткәрелә.

Сарала “Башҡортостан Республикаһының бәләкәй һәм урта эшҡыуарлыҡ үҫеше буйынса агентлығы” автономиялы коммерцияға ҡара­маған ойошмаһы республи­каның халыҡ-һынлы сәнғәт кәсептәре өлгөләренең күргәҙмәһен ойоштора.

Коллектив стендта конкурс һайлауын үткән, халыҡ-һын­лы сәнғәт кәсептәре тарма­ғындағы һәм Башҡортостанда теркәлгән  бәләкәй һәм урта эшҡыуарлыҡ субъекттары ҡатнаша ала. Яңы эш баш­лаған эшҡыуарҙарға Рәсәй Президенты Владимир Путин­дың май указы нигеҙендә бар­лыҡҡа килгән “Бәләкәй һәм урта эшҡыуарлыҡ һәм эшҡыуар­лыҡ башлан­ғыста­рына булышлыҡ итеү” милли проекты нигеҙендә ярҙам күрһәтелә.

Күргәҙмәлә ҡатнашыу өсөн ғаризалар 14 – 17 сентябрҙә https://bvk-plus.timepad.ru/event/1768553/ һылтанмаһы йәки nhp-rb@mail.ru электрон почтаһы буйынса ҡабул ителә. Ҡатнашыу тураһындағы һорауҙар менән 7 (987) 04-00-621 телефонына (Евгения Сафина) мөрәжәғәт итергә мөмкин.

Бәйләнеш өсөн теле­фон:  +7 (347)224-99-99, өҫтә­мә тел.: 301 (Татьяна Сайгина).

- Айһылыу НИЗАМОВА.