Ағиҙел ҡалаһы өсөн яңы мөмкинлек

14 декабрҙән 16-һына тиклем Өфөлә Халыҡ-ара бизнес аҙналығы үтә. Йыл һайын уҙғарылған иҡтисади сара өс меңдән ашыу кешене берләштерәсәк: власть вәкилдәрен, бизнес-берләшмәләрҙе, төрлө тармаҡ эксперттарын.

Юбилей форумы майҙанында 50-нән ашыу эшлекле сара уҙғарыласаҡ. Уларҙа 20-ләп илдән федераль һәм халыҡ-ара кимәлендәге 500-ҙән күберәк спикер сығыш яһаясаҡ.

Форумда тикшереләсәк темаларҙың береһе “Ағиҙел” йылға йөк порты үҫешенә ҡағыла. “Төбәктәрҙә эшләнгән - Рәсәйҙә эшләнгән” губернаторҙар сессияһы барышында Башҡортостан Хөкүмәте Премьер-министры Андрей Назаров Ағиҙел ҡалаһында порт тибындағы махсус иҡтисади зона булдырыу буйынса пландар тураһында хәбәр иткәйне.

- “Ағиҙел” йылға порт комплексы биш мең тоннаға тиклем һыу һыйҙырышлы “йылға-диңгеҙ” судноларын ҡабул итеү мөмкинлегенә эйә. Был мөһим стратегия объекты, - тип белдерҙе ул саҡта Андрей Геннадьевич.

“Ағиҙел” йылға-йөк порты үҫеше темаһына халыҡ-ара бизнес аҙналығында "түңәрәк өҫтәл" ойоштороласаҡ.

Фото: "Башинформ".