Көсөгөҙҙө һынап ҡарағыҙ

Башҡортостан Башлығы Радий Хәбиров социаль селтәрҙәге сәхифәһендә “Экспорт форсажы” тураһында яҙып сыҡты.

“Бәләкәй һәм урта бизнесҡа күрһәткән төрлө ярҙам саралары араһында уҡытыу саралары айырым урын биләй. Минеңсә, бөтә нимә йылдам үҙгәргән хәҙерге иҡтисади шарттарҙа был айырыуса мөһим.

1 мартта Башҡортостан Республикаһының Экспортҡа булышлыҡ итеү үҙәгендә “Экспорт форсажы” тигән һигеҙенсе күп тармаҡлы ағым башлана. Был акселерация программаһы эшҡыуарҙарыбыҙҙы тышҡы баҙарҙа үҙаллы эшләргә – илде һайларға, логистиканы һәм сығымдарҙы иҫәпләргә, хәүефте кәметергә өйрәтә.

2019 йылдан күп тармаҡлы ете һәм махсуслаштырылған дүрт сара ойошторҙоҡ. Махсус саралар –нефть һәм газ, урман сәнәғәте һәм агросәнәғәт тармаҡтары предприятиелары өсөн. Аккредитация программаһы буйынса 137 бәләкәй һәм урта эшҡыуарлыҡ субъекты белем алды. 46 компания дөйөм күләме 16,5 миллион долларҙан ашыу тәшкил иткән 112 экспорт килешеүе төҙөнө. Поставкалар географияһына 21 яҡын һәм алыҫ сит ил инә.

Уҡытыу бушлай алып барыла. Шарты – компания бәләкәй һәм урта эшҡыуарлыҡ субъекты булырға, кәмендә өс йыл эшләргә, 2022 йылда алынған табышы кәмендә 50 миллион һум булырға тейеш. Предприятиеның экспорт өсөн сеймалға һәм энергетикаға ҡарамаған әҙер продукҡа эйә булыуы мөһим.

Әгәр ошолар һеҙгә ҡағылһа – көсөгөҙҙө һынап ҡарағыҙ. Башҡортостан Республикаһының Экспортҡа булышлыҡ итеү үҙәге телефондары: +7 (347) 246 84 09, +7 (917) 353 05 85.

Программа тураһында ентеклерәк мәғлүмәт түбәндәге һылтанма буйынса: https://bashexport.com/services/comprehensive-service..
Барығыҙға ла уңыштар!” – тип яҙған Радий Хәбиров.

Фото: vk.com/radiyhabirov

Сығанаҡ: vk.com/radiyhabirov