Азат автомобилдә ярты донъяны урап сыҡҡан

Салауат районының Малаяҙ ауылында тыуып үҫкән Азат Заһиҙуллин – эшҡыуарлыҡ менән шөғөлләнгән уңышлы замандаштарыбыҙҙың береһе. Уның яратҡан шөғөлдәренең береһе – сәйәхәт. Азат автомобилдәге сәфәрҙәргә өҫтөнлөк бирә. Әлегәсә ул автомобилендә ярты донъяны тиерлек урап сыҡҡан. Ҡайҙа ғына булһа ла, ул Рәсәйҙән, Башҡортостандан булыуы хаҡында ғорурланып һөйләй һәм мотлаҡ иҫтәлекле урындарҙа Башҡортостан флагын тотоп фото төшә.

“Был фотола яҡташыбыҙ – Берләшкән Ғәрәп Әмирлектәренең ҙур иҡтисади үҙәге булған Дубай ҡалаһында”, - тип хәбәр итә “Салауат ерендә” баҫмаһы. Был алыҫ илгә лә Азат үҙ автомобилендә барған. 

Башҡорт егетенә хәйерле, уңышлы сәфәрҙәр теләйбеҙ!

Сығанаҡ: https://vk.com/club175284210