Биш килограмлыҡ суртан тотҡан

Баймаҡ районының Ниғәмәт ауылынан Әмир Юлғотлин Һаҡмар йылғаһында биш килограмлыҡ суртан тотҡан. Был уның беренсе рекорды түгел — былтыр ете килограмлыҡ балыҡ тотҡан булған.

«Һаҡмар балығы тәмле, ғаиләмде алабуға, сабаҡ, һыла һәм ҡыҙылғанат менән һыйларға яратам. Алыҫҡа йөрөмәйем — Һаҡмар йылғаһында балыҡ тотам, ҡайһы берҙә Талҡаҫ күленә лә барам», - ти балыҡсы.

Әмир Юлғотлин әйтеүенсә, балыҡ тотоу ҡомары уға көс-дәрт өҫтәй.

«Йәй көнө мин иртән һәм кисен икешәр сәғәт балыҡ тотам, ә ҡыш көнө был ваҡыт миңә нығыраҡ оҡшай. Тынлыҡ һәм саф һауа күңелемә рәхәтлек бирә», — тип ҡыуанысы менән уртаҡлаша Әмир Юлғотлин.

Ә һеҙ нисә килограмлыҡ балыҡ тотҡанығыҙ бар? Фотоларығыҙ булһа, әйҙәгеҙ бүлешегеҙ әле!

Фото: телеграм