+21 °С
Ямғыр
Гәзиткә яҙылыу
1 Июнь 2020, 19:20
Матбуғат баҫмаһы – иң матур бүләк!
“Изгелек ағасы” һәм “Күршеңде яҙҙырт” акцияларына ҡушылып, балалар йорттарына, мәктәп-интернаттарға, оло йәштәгеләргә матбуғат баҫмалары бүләк итәйек. Әле хаҡтарҙың арзан осоро! Был акцияларға ярашлы, “Башҡортостан” гәзитенә лә ташламалы хаҡ менән яҙылыу мөмкинлеге бар.
Бөгөн 1 июндә – Халыҡ-ара балаларҙы яҡлау көнөндә битараф булмаған кешеләр “Изгелек ағасы” акцияһына ҡушылып, Рәсәй почтаһы аша үҙенең балаһына ғына түгел, балалар йорттарына, мәктәп-интернаттарға төрлө матбуғат баҫмалары бүләк итеү мөмкинлегенә эйә булды.
Каталогта 200-ҙән ашыу ҡыҙыҡлы гәзит һәм журнал, шул иҫәптән милли баҫмалар урын алған. Әйткәндәй, Рәсәй почтаһы 1 июндән 10 июнгә тиклем матбуғатҡа яҙылыу ун көнлөгө иғлан итте. Был осорҙа һәр кем яратҡан баҫмаларына ташламалы хаҡ менән яҙыла, шулай уҡ теләгән кешеһенә йәки ойошмаға бүләк итә ала. Хәйриә акцияһы сиктәрендә матбуғатҡа яҙылыу өсөн һылтанма: https://podpiska.pochta.ru/derevo-dobra
Бының өсөн иң тәүҙә үҙең теләгән төбәкте һәм социаль учреждениены һайларға кәрәк. Шулай уҡ “Күршеңде яҙҙырт” акцияһы сиктәрендә ветерандарға, оло йәштәге кешеләргә, күршеләреңә, ауыл китапханаларына матбуғат баҫмаһы бүләк итергә мөмкин.
Был акцияларға ярашлы, “Башҡортостан” гәзитенә лә ташламалы хаҡ менән яҙылыу мөмкинлеге бар. Республикабыҙҙың төп милли баҫмаһын төрлө социаль учреждениеларға, оло йәштәге кешеләргә, атай-әсәйҙәренә, тыуған ауылының мәктәбенә йәки китапханаһына яҙҙырырға теләгән оло йөрәкле милләттәштәребеҙ булыр тигән ышаныста ҡалабыҙ.
Әгәр 10 июнгә тиклем "Башҡортостан" гәзитенә үҙегеҙ өсөн арзан хаҡҡа яҙылырға теләһәгеҙ, түбәндәге һылтанмаларҙы ҡулланырға мөмкин: https://podpiska.pochta.ru/press/П2729 (июль-декабрь айҙарына яҙылыу хаҡы 1297 һум 20 тин; аҙнаһына 2 тапҡыр); http://podpiska.pochta.ru/press/П3030 (июль-декабрь айҙарына яҙылыу хаҡы 683 һум 64 тин; йома һаны) http://rbsmi.ru/catalog/podpiska/1016/ (ташлама өсөн код: ДЕКАДА2-2020).
Шулай үҡ почта бүлексәләренә мөрәжәғәт итә алаһығыҙ.
Бергә булдыҡ - бергә ҡалайыҡ!
Фото: "Изгелек ағасы" акцияһы сайтынан скриншот.
