Ата-әсәйҙәргә шәп бүләк

Тиҙҙән, 1 октябрҙә Халыҡ-ара өлкән йәштәгеләр көнө етә. Был көндә хаҡлы ялдағы атай-әсәйҙәрҙе, инәй-бабайҙарҙы, өләсәй-олатайҙарҙы ҡотлап, сәй табындары ойошторалар. Ә ниндәй байрам бүләкһеҙ булһын?!

Был осраҡта киләһе йылға “Башҡортостан” гәзитенә яҙылыу бүләк итеү иң отошлоһо булыр. Беренсенән, улар һеҙҙең бүләгегеҙҙе – “Башҡортостан”дың яңы һанын ҡулына алған һайын иҫенә төшөрөп рәхмәт уҡыр, икенсенән, квитанция күсермәһен беҙҙең адресҡа (Өфө ҡалаһы, Октябрҙең 50 йыллығы урамы, 13) ебәреп, акцияла ҡатнашып бүләк отоуы ихтимал. Шулай уҡ гәзитте балалар йорто, балалар баҡсаһы, мәктәп-интернат, ҡарттар йорто кеүек иғтибарға мохтаж учреждениеларға яҙҙырыу ҙа яҡшы буласаҡ.

Был матур һәм мәрхәмәтле акцияны рухлы, оло йөрәкле, мәҙәни гәзит уҡыусыларыбыҙҙың күтәреп алырына ышанабыҙ. Ололарға ла яҡшы, һеҙгә лә сауап булыр.

Хаҡтар түбәндәгесә:

П2729 индексы (аҙнаға 2 тап.) – 1540 һум 20 тин.

П3030 индексы (йома) – 837 һум 66 тин.

Электрон версия – ярты йылға – 834 һум, 12 айға – 1471 һум (rbsmi.ru сайтына инеп йәки редакция аша яҙылырға мөмкин).

Бергә булдыҡ- бергә ҡалайыҡ!