Беҙ яҙылдыҡ! Ә һеҙ?

Әле ваҡытлы матбуғатҡа яҙылыуҙың ҡыҙған осоро. Ошо йәһәттән Башҡорт дәүләт университетының башҡорт филологияһы, шәрҡиәт һәм журналистика факультеты коллективы башҡаларға үрнәк күрһәтеп, милли матбуғатҡа күпләп яҙылыу ойошторҙо.

– Милли баҫмаларға яҙылыу бара. Башҡорт дәүләт университетының китапханаһына килгән күп һанлы гәзит-журналдар менән студенттар дәрестә лә, сессияға әҙерләнгәндә лә ҡулланһын, тибеҙ. Ә беҙ, факультет уҡытыусылары, өйҙәребеҙҙә алдырып уҡыйбыҙ. 2021 йылда "Башҡортостан", "Йәшлек", "Киске Өфө" гәзиттәре, "Башҡортостан уҡытыусыһы", "Шоңҡар", "Ағиҙел", "Башҡортостан ҡыҙы", "Ватандаш" журналдары – йәмғеһе 56 баҫмаға октябрь айында уҡ ташлама менән яҙылып та ҡуйҙыҡ, – ти башҡорт филологияһы, шәрҡиәт һәм журналистика факультеты коллективы етәксеһе Гөлфирә Абдуллина.

Фото: социаль селтәрҙән.