+20 °С
Болотло
Гәзиткә яҙылыу
3 Декабрь 2020, 18:45
“Гәзит – минең күптәнге тоғро дуҫым”
Билдәле яҙыусы Лира Яҡшыбаева “Башҡортостан” гәзитен даими алдырып уҡый һәм башҡаларҙы ла шуға саҡыра.
Башҡортостан Яҙыусылар союзы ағзаһы, Рамаҙан Өмөтбаев, Жәлил Кейекбаев исемендәге премиялар һәм “Башҡортостан” гәзите лауреаты Лира Яҡшыбаева – баҫмабыҙҙың күптәнге дуҫы. Ул быйыл да гәзитебеҙгә яҙылған.
Лира апай Яҡшыбаева быйыл баҫманы Матбуғат йортонан килеп алыу юлын һайлаған.
– “Башҡортостан” гәзите – күптәнге дуҫым. Уның аша донъя яңылыҡтары менән танышабыҙ. Гәзиттә һәр мәҡәлә уҡымлы. Һәр кемде баҫмаға яҙылырға саҡырам, – ти Лира Миңләхмәт ҡыҙы.
Милләттәшебеҙгә киләсәктә лә гәзитебеҙгә тоғро ҡалыуын, беҙҙе яҙмалары менән ҡыуандырып тороуын теләйбеҙ.
Иғтибар! 3 декабрҙән 13-нә тиклем "Рәсәй почтаһы" 2021 йылдың тәүге ярты йыллығына гәзит-журналдарға ташламалы хаҡҡа яҙылыу буйынса ун көнлөк иғлан итте. Был осорҙа хаҡтар түбәндәгесә:
П2729 индексы буйынса podpiska.pochta.ru/press/П2729 (аҙнаһына ике тапҡыр сыға) хаҡы – 1386 һум 24 тин; П3030 индексы буйынса podpiska.pochta.ru/press/П3030 (йома һаны) хаҡы – 732 һум 72 тин.
Бергә булдыҡ – бергә ҡалайыҡ!
Гөлсирә Сәхиева фотоһы.
