Почтальондар - беҙҙең төп терәк-таянысыбыҙ

Матбуғатҡа яҙылыу осоронда почтальондарҙың эше айырыуса тынғыһыҙ. Бигерәк тә әле, пандемия мәлендә, өлкән йәштәгеләр өйҙә ултырырға мәжбүр булғанда, киләһе йылға гәзит-журналдарға йорттарға йөрөп яҙҙырыу ҙа уларҙың иңендә бит. Ошо ауыр, яуаплы осорҙа почтальондар - беҙҙең ҙур терәгебеҙ.

Шундай оло таяныстарыбыҙҙың береһе - Ишембай районынан гәзитебеҙҙең күптәнге дуҫы, урындағы почта хеҙмәтенең матбуғатҡа яҙылыу бүлеге етәксеһе Инера Сәхи ҡыҙы Төхвәтуллина. Был тармаҡта ул 15 йылға яҡын хеҙмәт итеп, эштең барлыҡ нескәлектәренә төшөнгән, абруйлы, уңған етәксе, оҫта ойоштороусы булып танылған.

Ошо көндәрҙә беҙ Ишембай районына командировкаға барып, почтала гәзиткә яҙылыу барышы менән танышып, һөҙөмтәләр буйынса Инера Сәхи ҡыҙына бүләк тапшырып ҡайттыҡ. Бөгөнгә мәғлүмәттәр буйынса, Ишембайҙа "Башҡортостан"ға 200-ҙән ашыу кеше яҙылған.

Эшегеҙҙә уңыштар юлдаш булһын, Инера Сәхи ҡыҙы! Ишембайҙа гәзитебеҙҙең дуҫтары быйыл тағы ла артыр тип өмөтләнәбеҙ.

Билдәле булыуынса, 3 декабрҙән 20-нә тиклем республикабыҙҙың төп баҫмаһы “Башҡортостан”ға арзаныраҡ хаҡҡа яҙылырға мөмкин https://rbsmi.ru/catalog/podpiska/1016/. Ошо ун көнлөктә аҙнаһына ике тапҡыр сыҡҡан podpiska.pochta.ru/press/П2729 индекслы “Башҡортостан” гәзите - 1386 һум 24 тин, ә 24 битлек podpiska.pochta.ru/press/П3030 индекслы «Башҡортостан-Йома” 732 һум 72 тин тора.

Автор фотоһы.