Иртәнге "Сәләм" телешоуында бүләктәр уйнатылды

29 июлдә Башҡортостан юлдаш телеканалының тура эфирында 2024 йылдың икенсе ярты йыллығына республика, ҡала һәм район баҫмаларына яҙылыусылар араһында бүләктәр уйнатылды.

"Гәзит-журналға яҙыл һәм ең" акцияһында еңеүселәр менән "Башҡортостан Республикаһы" мәғлүмәт агентлығы дүләт унитар предприятиеһының  матбуғат бүлеге начальнигы Айнар Байбулатов һәм уның урынбаҫары Клара Әхиәрова таныштырҙы. Ҡатнашыуға биш йөҙҙән ашыу квитанция ебәрелгән. Акцияла ҡатнашыу өсөн «Башҡортостан Республикаһы» нәшриәт йортоноң ике баҫмаһына (республика, район йәки ҡала) ярты йыллыҡҡа яҙылырға кәрәк ине. Конкурста шулай уҡ гәзиттәрҙең электрон версияларына яҙылыусылар ҙа ҡатнашты. «Гәзит-журналға яҙыл һәм ең» конкурсы сиктәрендә мотоблок, туңдырғыс һандыҡ, робот-саң һурҙырғыс, ноутбук, телевизор уйнатылды.

Төп приз - мотоблок Ауырғазы районынан Е.В. Алексеевҡа эләкте, ул үҙенә һәм хәйриә маҡсатында «Изге подписка» акцияһы буйынса "Ауырғазы хәбәрҙәре" гәзитенә яҙылған.

Ноутбук - В. И. Яковлеваға, ул Дыуан районынан, «Дыуан хәбәрҙәре» гәзитенә һәм "Рампа"журналына яҙылған.

Телевизор - Стәрлетамаҡ ҡалаһынан Г. Р. Ҡорбанғоловаға, ул «Ҡыҙыл таң» һәм «Стәрлетамаҡ эшсеһе» гәзиттәренә яҙылған.

Туңдырғыс — Ауырғазы районынан Ф. В. Дилмөхәмәтовҡа, ул «Йәшлек» һәм «Ауырғазы хәбәрҙәре» гәзиттәренә яҙылған;

"Йәшлек” һәм “Хәйбулла хәбәрҙәре” гәзиттәренә яҙылған Хәйбулла районы Мәмбәт ауылынан С. Ҡарабаева робот-саң һурҙырғыс отто.

Хәтерегеҙгә төшөрәбеҙ, 1 июлдән 2025 йылдың 1-се ярты йыллығына һәм 2025 йылға ваҡытынан алда яҙылыу кампанияһы башланды. Был осорҙа уҙған ярты йыллыҡ хаҡтары буйынса ташлама менән яҙылырға мөмкин. Был акцияла ҡатнашыусыларҙы һәм еңеүселәрҙе ҡотлайбыҙ, уларға сәләмәтлек һәм уңыш теләйбеҙ.

https://vk.com/wall-175756454_3815