Ишәйҙә бүләгебеҙҙе тапшырып ҡайттыҡ!

Әлеге ярты йыллыҡҡа “Башҡортостан” гәзитенә яҙылыусылар араһында Ишембай районы Ишәй аулынан Рузалия Ниғмәтуллина бүләк отошта френч-пресс отҡайны. Юл төшмәй тороп оҙаҡ ҡына бүләгебеҙҙе тапшыра алмағайныҡ. Ниһайәт, Рузалия апай менән күрешеү форсаты тейҙе.

Рузалия Ниғмәтуллина һаман да ижад донъяһында ҡайнап йәшәй. Күптән түгел уның “Тәңрем  бүләге – яҙмыш” тигән китабы донъя күргән. Бында ижадсыбыҙҙың һуңғы осор яҙылған шиғырҙары тупланған.

Киләсәктә лә замандашыбыҙҙың ижады һүрелмәһен, “Башҡортостан” гәзите менән бәйләнеш тә өҙөлмәһен.

Автор фотоһы.