Ҡыямовтар һынатманы

Тәтешле районынан Ҡыямовтар ғаиләһе “Ҙур һәм талантлы ғаилә” тип аталған Асыҡ ҡала ансамблдәр фестивалендә “Иң яҡшы инструменталь ансамбль” номинацияһында  1-се дәрәжә лауреат исемен яуланы.

Өфө ҡалаһының Ленин районындағы “Тулҡын” паркында Рәсәй халыҡтарының берҙәмлек йылына һәм Башҡортостанда иғлан ителгән Ҙур һәм татыу ғаилә йылына арналған “Ҙур һәм талантлы ғаилә” фестиваленең Гала-концерты үтте.

Сарала республиканың төрлө райондарынан килгән ғаиләләр ҡатнашты. Улар һәләттәрен биш номинацияла – вокал, хореография, инструменталь музыка, фольклор һәм һөнәрҙәр – күрһәтте. Ҡыямовтар Тәтешлелә талантлы, берҙәм һәм ижади кешеләр йәшәгәнен  тағы бер ҡат иҫбатланы. Ихлас күңелдән ҙур ғаиләне еңеүе менән ҡотлайбыҙ!

Фото: ”Тәтешле хәбәрҙәре” гәзите.