Иртәгә республикала һабантуйҙар миҙгеле башлана

Май аҙағында һәм йәй дауамында республика ҡала һәм райондарында Һабантуйҙар үтәсәк. Ҡунаҡтарҙы концерттар, ижади коллективтарҙың сығыштары, милли аш-һыу, һөнәрселәр йәрминкәләре һәм традицион спорт ярыштары көтә.

Башҡортостанда һабантуйҙар үткәреү графигы:

30 майҙа – Әбйәлил, Ғафури, Йылайыр, Ҡалтасы һәм Күгәрсен райондарында;

6 июндә төп тантаналар бер юлы 20 урында – Әлшәй, Архангел, Асҡын, Ауырғазы, Баҡалы, Бишбүләк, Бүздәк, Бөрйән, Йәрмәкәй, Ейәнсура, Ҡырмыҫҡалы, Кушнаренко, Мәләүез, Миәкә, Өфө, Учалы, Хәйбулла, Саҡмағош, Шишмә һәм Яңауыл райондарында;

11 июнь – Баймаҡ районында;

12 июнь – Балтас, Балаҡатай, Благовар, Благовещен, Борай, Дәүләкән, Дыуан, Иглин, Илеш, Ишембай, Ҡыйғы, Краснокама, Мишкә, Нуриман, Салауат, Стәрлебаш, Тәтешле, Туймазы, Федоровка һәм Шаран райондары;

13 июнь – Бөрө, Ҡариҙел, Мәсетле һәм Стәрлетамаҡ райондары;

20 июндә – Бәләбәй һәм Көйөргәҙе райондарында;

4 июль – Дүртөйлө районында;

18 июлдә – Белорет районында.

Айрат Нурмөхәмәтов фотоһы.