Еңеүселәр асыҡланды!

“Атайсал” үҙең ижад иткән шиғырҙар конкурсына йомғаҡ яһалды. Жюри ҡарары буйынса 18 ҡатнашыусы финалға сыҡты, улар иҫәбендә төрлө йәш категорияларында алты еңеүсе бар. Бына улар: башҡортса яҙышыусы Элина Вәхитова, Гөлиә Дауытова, Ғәлиә Әлимғужина һәм русса яҙышыусы Әминә Нуриәсләмова, Данил Андреев, Альбина Нафиҡова.

Хәтерегеҙгә төшөрәбеҙ, был әҙәби бәйге 2023 йылдың ғинуарының тәүге декадаһында Башҡортостандың Милли китапханаһы “Башҡортостан Республикаһының муниципаль берәмектәр советы” ассоциацияһы һәм “Башҡортостан Республикаһының Композиторҙар союзы”, “Башҡортостан Республикаһының Яҙыусылар союзы” төбәк йәмәғәт ойошмалары менән берлектә иғлан иткәйне.

Конкурсҡа республиканың төрлө мөйөштәренән һәм илдән йәмғеһе 567-нән ашыу ғариза килгән. Ғаризалар Әбйәлил, Ауырғазы, Бөрйән, Баймаҡ, Благовар, Краснокама, Күгәрсен, Мәләүез, Шишмә, Шаран, Хәйбулла райондарында, Өфө, Стәрлетамаҡ, Салауат, Нефтекама, Баймаҡ ҡалаларында, шулай уҡ Силәбе, Новосибирск өлкәләрендә, Санкт-Петербург ҡалаһында йәшәгән кешеләрҙән килгән.

Конкурста ҡатнашыусылар башҡорт һәм рус телдәрендә төрлө йәш төркөмдәрендә көс һынашты: кескәйҙәр төркөмөндә 14 йәшкә тиклемге балалар араһында, уртаса йәштәгеләр төркөмөндә – 25 йәшкә тиклем, өлкәндәр төркөмөндә – 25 йәштән алып. Иң йәш ҡатнашыусыға – 5 йәш, иң өлкәненә – 94. Шулай уҡ ике ҡатнашыусыға 86 һәм 87 йәш.

Конкурс әҙәби ижадҡа һәләтле, башҡорт һәм рус телдәрендә яҙышҡан һәләтле шағирҙарҙы асыҡлау маҡсатында уҙғарылды.

Шиғри мәҙәниәткә, сәнғәткә ҡыҙыҡһыныуҙы әүҙемләштереү, әүҙем гражданлыҡ позицияһы, йәнтөйәккә һөйөү тәрбиәләү, профессиональ һәм үҙешмәкәр авторҙарҙың берләшеүе һәм ижади аралашыуы конкурстың төп бурыстары булып тора.

“Атайсал” үҙең ижад иткән шиғырҙар конкурсы еңеүселәре:

Башҡорт телендә яҙышҡан еңеүселәр:

Кесе йәштәгеләр төркөмө (14 йәшкә тиклем):

1. Вәхитова Элина Дамир ҡыҙы, Стәрлетамаҡ ҡалаһы, 12 йәш.
2. Мөхәмәҙуллина Зарина Роберт ҡыҙы, Стәрлетамаҡ ҡалаһы, 11 йәш.
3. Кинйәбаев Искәндәр Илдар улы, Салауат ҡалаһы, 12 йәш.

Уртаса йәш төркөмө (25 йәшкә тиклем):

1. Дауытова Гөлиә Ғәҙел ҡыҙы, Бөрйән районы Иҫке Монасип ауылы, 14 йәш.
2. Иҫәнбаева Нәзилә, Баймаҡ районы, 14 йәш.
3. Ғәзина Ильвина Вәкил ҡыҙы, Баймаҡ ҡалаһы, 15 йәш.

Өлкән йәштәгеләр төркөмө (25 йәштән һуң):

1. Әлимғужина Ғәлиә, Күгәрсен районы Юлдыбай ауылы, 64 йәш.

2.Ҡәйепҡолов Әкрәм Хәбиб улы, Баймаҡ районы 2-се Этҡол ауылы, 72 йәш.

3.Әминев Салауат Рәшит улы, Әбйәлил районы, Таштуй ауылы, 71 йәш.

Рус телендә яҙышҡан еңеүселәр

Кесе йәштәгеләр төркөмө (14 йәшкә тиклем):

1. Нуриәсләмова Әминә Рәмил ҡыҙы, Благовар районы, Языков ауылы, 13 йәш.
2. Лукьянова Валерия Артемовна, Стәрлетамаҡ ҡалаһы, 7 йәш.
3. Шавлохова Ева Александровна, Шишмә районы, Шишмә ҡасабаһы, 11 йәш.

Уртаса йәш төркөмө (25 йәшкә тиклем):

1. Андреев Данил Андреевич, Ауырғазы районы, 24 йәш.
2. Бәҙретдинов Владислав Владимирович, Өфө ҡалаһы, 15 йәш.
3. Рафиҡова Гөлнара Ринат ҡыҙы, Стәрлетамаҡ районы Үрге Уҫылы ауылы, 22 йәш.

Өлкән йәштәгеләр төркөмө (25 йәштән һуң):

1. Нафиҡова Альбина Марат ҡыҙы, Шаран районы, Шаран ауылы, 43 йәш.
2. Нәғимова Зилә Хәбибйән ҡыҙы, Нефтекама ҡалаһы, 47 йәш.
3. Манякина Татьяна Георгиевна, Краснокама районы, 70 йәш.

“Атайсал” республика шиғырҙар конкурсы еңеүселәре һәм призерҙары 2023 йылдың 5 майында “Торатау” конгресс-холында үтәсәк “Яҡташлыҡ көсө” форумында бүләкләнәсәк.

Фото: "Бәйләнештә".