Пассажирҙарҙы бушлай йөрөтә

Баш ҡалала пассажирҙар ташыусы 266-сы маршрут автобусы водителе Рамаҙанда сауаплы эш башҡармаҡсы булған. Ҡағыҙға яҙып ҡуйыуынса, изге айҙа пенсионерҙарҙан, инвалидтарҙан, балаларҙан, яулыҡ ябынған ҡатын-ҡыҙҙан юл йөрөү өсөн түләү алмаясаҡ.

Билдәле булыуынса, ураҙа 21 апрелдең кисенә тиклем дауам итә. Быйыл ул 29 көн барасаҡ. Был осорҙа яҡшы ғәмәлдәр ҡылыу һәм файҙалы эштәр башҡарыуҙың сауабы бер нисә тапҡырға арта, тиелә динебеҙҙә.

Фото: Кумертауское время.