"Баймаҡ" яҡташтар ойошмаһына яңы етәксе һайланды

Был хаҡта Баймаҡ район хакимиәте башлығы Фәнис Әминев үҙенең социаль селтәрҙәге сәхифәһенә яҙған.

"Хөрмәтле яҡташтар!
Өфөлә йәшәүсе "Баймаҡ” яҡташтар ойошмаһының идаралыҡ ултырышы үтте.

Сара барышында ойошмаға яңы етәксе итеп Рита Ришат ҡыҙы Өмөтбаева һайланды, идараның яңы эш планы раҫланды. Ошо көнгә тиклем әүҙем эш алып барған етәксе - Шайморат Тимербулатовҡа ҙур рәхмәт һүҙҙәре еткерелде.

"Баймаҡ"тарға артабанғы эштәрендә лә уңыштар теләп ҡалабыҙ!"- тигән Фәнис Ғәбдрәшит улы үҙенең "Бәйләнештә"ге сәхифәһендә.

Рита Рәшит ҡыҙын ҡотлайбыҙ һәм эшендә уңыштар теләйбеҙ!

Фото һәм сығанаҡ: Фәнис Әминевтең "Бәйләнештә"ге сәхифәһенән.