Үҙән йылғаһы аша күперҙе астылар

Ҡырмыҫҡалы районында ремонттан һуң Үҙән йылғаһы аша күперҙе астылар. Эштәр “Хәүефһеҙ сифатлы юлдар” милли проектына ярашлы башҡарылған. Күпер Александровка ауылы янында Ҡырмыҫҡалы – Атйетәр – Дәүләкән – Талбазы автомобиль юлының 23-сө километрында урынлашҡан. Оҙонлоғо – 47 метрҙан күберәк. Подрядсыһы - “Магистраль” компанияһы - объектты графиктан алда тапшырған.

- Контракт буйынса беҙ эште 2024 йылдың октябрендә тапшырырға тейеш инек, әммә ремонтты алдан тамамланыҡ. Объект тапшырылды һәм ҡабул итеп алынды, - тине “Магистраль” компанияһының производство-техник бүлеге начальнигы Рөстәм Әхмәров.

Күперҙә тулыһынса тимер-бетон конструкцияһы, юл япмаһы алмаштырылған, ситенән ныҡлы таяуыслы кәртә ҡуйылған.

Был күпер Р-240 федераль трассаһына алып сыға.

Фото: