Туймазылар "Атайсал" проектында әүҙем ҡатнаша

Туймазы районының илһөйәрҙәре тыуған ерҙәренә әүҙем ярҙам итә. Мәғлүм булыуынса, “Атайсал” республика проекты буйынса улар 350-нән ашыу изге эште ғәмәлгә ашырған.

Был проектҡа район предприятиелары ла әүҙем ҡушылған. Мәҫәлән, “Транснефть-Урал” акционерҙар йәмғиәтенең филиалы – Туймазы нефть үткәргес идаралығы Собханғол ауылы мәктәбенә йылдар дауамында даими ярҙам күрһәтә. Быйыл предприятие мәктәп ашханаһын ремонтлаған.

–Быйыл мәктәп ашханаһындағы биналарҙы ремонтланылар - плитәне алмаштырҙылар, стеналарҙы буяп, яңы ишектәр ҡуйҙылар, аҙыҡ-түлек блогында елләтеү системаһын яңырттылар, - тип уртаҡлашты Туймазы районы хакимиәте башлығы Айҙар Суфиянов үҙенең социаль селтәрендәге сәхифәһендә.

Фото һәм мәғлүмәт сығанағы: vk.com/ataysalrb