Учалыла яңы хирургия корпусы төҙөлә

Учалы үҙәк ҡала дауаханаһының хирургия корпусын 2025 йылға төҙөп бөтөргә планлаштыралар.

31 ғинуарҙа Учалы районына эш сәфәрендә Башҡортостан Башлығы Радий Хәбиров Учалы үҙәк ҡала дауаханаһының хирургия корпусы төҙөлөшөн барып ҡараны.

Иҫегеҙгә төшөрәбеҙ: әлеге хирургия корпусы 1967 йылда төҙөлгән һәм бер тапҡыр ҙа ремонтланмаған. Ул заман талаптарына яуап бирмәй һәм медицина ярҙамын тейешле кимәлдә ойоштороуҙы тәьмин итә алмай.

5 мең квадрат метр майҙанды биләгән яңы өс ҡатлы бинала операция блогы, реанимация бүлексәһе, 24 койка-урынлыҡ палаталар, травмпункт, экспресс-лаборатория, ҡабул итеү һәм диагностикалау бүлектәре урынлашасаҡ.

Хирургия корпусын 2025 йылға асыуҙы планлаштыралар.

Мәғлүмәт һәм фото: https://glavarb.ru/rus/press_serv/novosti/174646.html