Журналистар приют балаларына велосипед бүләк итте

“Республика Башкортостан” нәшриәт йорто журналистары “Журналистика оҫтаханаһы: сайт, социаль селтәрҙәр һәм принт” (зональный семинар «Мастерская журналистики: сайт, соцсети и принт») зона семинарында  балалар приюты тәрбиәләнеүселәренә велосипед тапшырған.  

Приютта Баҡалы районынан ғына түгел, ә илдең төрлө төбәктәренән балалар бар. Уртаса һәр береһе бында дүрт ай була, был ваҡыт эсендә уға яңы ғаилә табыла йәки үҙенең яҡындарына кире ҡайтарыла. Приют хеҙмәткәрҙәре ата-әсәләр менән дә  эш алып бара.

- Беҙҙә коллектив эш юлға һалынған, һәр педагог тәрбиәләнеүселәргә үҙ балаһына кеүек ҡарай. Шулай уҡ беҙ ата-әсәләр менән әңгәмә алып барабыҙ. Шундай эш һөҙөмтәһендә ыңғай һөҙөмтәгә өлгәшәбеҙ, тип һөйләй приют етәксеһе Альмира Фролова.

 “Республика Башкортостан” Нәшриәт йортоноң генераль директоры вазифаһын башҡарыусы Рәсүл Сәфәрғәлиев балаларға республика балалар журналдарына подписка бүләк итте. Ә балалар үҙ сиратында үҙ ҡулдары менән эшләгән әйберҙәрен бүләк итте. “Журналистика оҫтаханаһы: сайт, социаль селтәрҙәр һәм принт” проекты Башҡортостан Республикаһы Башлығы гранты ярҙамында үткәрелә.

Фото һәм сығанаҡ: https://resbash.ru/news/obshchestvo/2024-06-26/v-bashkirii-zhurnalisty-podarili-velosiped-detskomu-priyutu-3824308