Беренсе ярҙам күрһәтергә өйрәнәләр

Йәштәр халыҡ фронты командалары өсөн Бөтә Рәсәй “Туҡта, ҡан” инструкторҙар курсы Краснодар крайында үтә. Илдең 20 төбәгенән, шул иҫәптән Башҡортостандан, тәүге ярҙам күрһәтеү буйынса инструктор булырға әҙерләйҙәр.

Өйрәнгән күнекмәләрҙе улар үҙ төбәктәрендә йәшәүселәргә тапшырасаҡ, шулай уҡ составтары менән бергә сик буйына һәм МХО зонаһына сығасаҡ. Башҡортостан Республикаһында Халыҡ фронтының Йәштәр координаторы Рөстәм Сәләхетдинов һөйләүенсә, был курста йәштәр тәүге ярҙам күрһәтеү күнекмәләрен өйрәнә һәм алған белемдәрен төбәк халҡына ла тапшыра ала.  Курста теория практика менән берләштерелгән, йәштәр  көн һайын тормош һынауҙары менән осраша, уларҙың ғәмәлдәренән кеше ғүмерен ҡотҡара алыу-алмау тора икәнлеген аңлайҙар, тип билдәләне ул.

 Бер аҙна эсендә ирекмәндәр үҙҙәренә һәм зыян күреүселәргә беренсе ярҙам күрһәтергә, шулай уҡ ашығыс ярҙам килгәнсе яралыларҙың хәлен тотороҡландырырға өйрәнәсәк. Курс программаһына лекция һәм практик дәрестәр, полигонда белем алыу, төнгө фазалар һәм башҡалар инә.

 «Архангел» ЦТП АНО-һы инструкторы Наталья Сорокина билдәләүенсә, йәштәр илдең төрлө төбәктәренән килгән. Уның һүҙҙәренсә, уларҙың уҡырға теләге ҙур.  Ярайһы уҡ яҡшы материалдар үҙләштерҙек, ҡан ағыуҙы туҡтатыу техникаһын өйрәндек, ти ул. Йәштәр аныҡ, командала эшләргә, бер-береһе менән бик яҡшы аралашырға өйрәнә. Буласаҡ инструкторҙарҙың артабанғы эшенә «Архангел» тактик әҙерлек үҙәгенең өлкән инструкторҙар составы етәкселек итәсәк. Уның МХО зонаһына даими командировкалар, меңәрләгән өйрәтелгән хәрби хеҙмәткәрҙәр һәм ил халҡы, шулай уҡ беренсе үҙ-үҙенә һәм үҙ-ара ярҙам күрһәтеүҙә ҙур тәжрибәһе һәм белеме бар.

Мәғлүмәт: https://mgazeta.com/articles/vazhno/2025-02-28/molodezhka-narodnogo-fronta-v-bashkirii-obuchaetsya-okazaniyu-pervoy-pomoschi-4140775

Фото: Халыҡ фронты.