Бөгөн Стәрлетамаҡ ҡалаһы хакимиәте башлығының сираттағы оператив кәңәшмәһендә батырлыҡ, ҡыйыулыҡ, фиҙакәрлек өсөн махсус хәрби операцияла ҡатнашҡан Рәсәй Оброна министрлығының 63494-се хәрби часы инженер-мотоуҡсы взводы водитель-радиотелефонисы, контракт хеҙмәте ефрейторы Максим Валерьевич К. Жуков миҙалы менән бүләкләнде.
"Дәүләт наградаһын тапшырырға рөхсәт итегеҙ. Беҙ һеҙҙең менән ғорурланабыҙ!" – тине яугирҙе наградлап Стәрлетамаҡ ҡалаһы һәм районы хәрби комиссары Рөстәм Ҡантимеров.
Жуков миҙалы менән наградлау тураһында Указға Рәсәй Президенты 12 августа ҡул ҡуйған. Яугирҙе ҡотлайбыҙ һәм артабан да именлек, уңыштар, ә әле хәрби бурыстарын үтәгән егеттәргә тиҙерәк имен-һау, еңеү менән әйләнеп ҡайтыуын теләп ҡалабыҙ!
Эльдар Фәттәхов фотоһы.