"Шайморатовсылар" Ватан Геройҙары көнөн билдәләне

Башҡортостан Башлығы Радий Хәбиров социаль селтәрҙәге сәхифәһендә махсус хәрби операцияла ҡатнашыусы ир-егеттәр тураһындағы яҙмаһы менән уртаҡлашты.

"Беҙҙең “Шайморатовсылар” кисә Ватан Геройҙары көнөн билдәләне. Оҙайлы ваҡыт махсус хәрби операция зонаһында булған егеттәр әле ялда. Улар менән медицина белгестәре эшләүе тураһында яҙғайным. Яугирҙәр булған урынға Өфөнөң теш табиптары ла барҙы – был ярҙамды ла көткәйнеләр.

Башҡортостандан парикмахерҙар, ашнаҡсылар, республикала билдәле артистар булды. Гуманитар ылау алып барғандарға, егеттәргә ярҙам иткәндәргә рәхмәт.

Был - уларҙың байрамы. Әле ялда булған “Шайморатовсылар”ҙыҡы, алғы һыҙыҡтағы “Доставаловсылар”ҙыҡы, ғөмүмән, илебеҙҙе һаҡлаған барлыҡ хәрбиҙәрҙеке. Һеҙҙең алдығыҙҙа баш эйәм, егеттәр! Артабан да хәрби бурысын үтәүселәргә, яугирҙәребеҙҙең ғаиләләренә ярҙам итер өсөн барлыҡ мөмкинлектәрҙе ҡулланасаҡбыҙ", - тип яҙҙы республика Башлығы.

Фотолар Башҡортостан Башлығы сәхифәһенән.