Зарина донъя чемпионы исемен яуланы!

Яҙып үтеүебеҙсә, Сибай ҡалаһының "Ҡара аждаһа" спорт клубы тәрбиәләнеүсеһе Зарина Исламова былтыр декабрь айында тай боксы буйынса Рәсәй чемпионы титулын яулағайны. Быйыл ул Муай-тай (тай боксы) буйынса донъя чемпионатында Рәсәй йыйылма командаһы составында илебеҙ өсөн сығыш яһаны. Чемпионат был спорт төрөнөң тыуған иле Грецияла 31 майҙан 10 июнгә тиклем үтә. 7 июндә Зарина Вьетнамдан килгән дәғүәсеһенә ҡаршы алышта еңеп, финалға сыҡҡайны. Бөгөн иһә ул Чехиянан килгән ҡыҙға ҡаршы алышта ышаныслы еңеп, алтын миҙал яуланы.

Зарина Исламованы һәм уның тренеры Александр Гавриловты еңеүҙәре менән ысын күңелдән ҡотлайбыҙ!

Фото: видеонан скриншот, vk.com/batyr_sibay