Еңеү менән ҡайтығыҙ!

Ҡыҫҡа ваҡытлы ялға ҡайтҡан һалдаттарҙы махсус хәрби операция зонаһына оҙатыу "Өфө-Арена" спорт комплексы алдындағы майҙанда ойошторолдо. 149 яҡташыбыҙҙың кәйефе күтәренке, рухтары ныҡлы. 149 һалдаттың 75-е Өфөнөкө, ҡалғаны республикабыҙҙың район һәм ҡалаларынан.

– Ике аҙна отпуск тиҙ генә үтеп китте, әммә мин иң кәрәкле тип тапҡан эштәремде тамамланым, – тине яҡташ һалдатыбыҙ. – Кәләшем, балаларым, атай-әсәйем менән күңелем булғансы һөйләшеп ултырҙым.

Республикабыҙ етәкселеге исеменән ҡотлаған Башҡортостан Хәрби комиссариаттың хәрби-патриотик эштәр буйынса бүлек начальнигы Альберт Ғилманов билдәләүенсә, һалдаттарҙың батырлығы алдында һәр кем баш эйә, Барыһы ла – туғандары ла, яҡындары ла яҡташ яугирҙәребеҙ менән сикһеҙ ғорурлана. Илебеҙҙең яҙмышы хәл ителгәндә улар алғы һыҙыҡта.

– Республика етәеселеге һеҙҙең ғаиләләләрегеҙгә даими ярҙам итә, – тине Альберт Ғилманов.

Сығанаҡ: https://resbash.ru/news/obshchestvo/2024-11-10/v-bashkirii-na-peredovuyu-provodili-gruppu-boytsov-posle-otpuska-4002051

Фото: Сергей Словохотов.