Бөтә яңылыҡтар
10
Ғорурланабыҙ
24 Февраль , 16:00

"Фансай" ялға ҡайтты

Һәр һалдат – Герой

"Фансай" ялға ҡайтты
"Фансай" ялға ҡайтты

Учалы районының Ҡолош ауылында, махсус хәрби операция биләмәһендә йөрөгән һалдаттар ялға ҡайтыуға бәйле, ҙур сара ойошторолдо.

Учалы районы хакимиәте башлығы Руслан Ғиләзетдинов билдәләүенсә, махсус хәрби операцияла ҡатнашҡан һәр һалдат – Герой.

Ураҙ ауылы хакимиәте башлығы Жәлил Солтанов, яҡты киләсәгебеҙ өсөн ғүмерен хәүеф аҫтына ҡуйып дошман менән алышҡан  батыр һалдаттарға сикһеҙ рәхмәтен еткерҙе, ҡаһарманлыҡтарын юғары баһаланы, тыуған яҡтарына иҫән-һау һәм Еңеү менән ҡайтыуын теләне.

"Фансай" позывнойлы яҡташыбыҙың һүҙҙәренә ҡарағанда, яҡын туғандарынан, тыуған төйәктәренән теләктәшлек белдергән яҡташтарынан ярҙам тойоу иңдәренә ҡанаттар ҡуя.

Учалы районының "Атайҙар ҡоро" етәксеһе, "Үҙебеҙҙекеләрҙе ташламайбыҙ" волонтерҙар төркөмө координаторы Шамил Фазылов һалдаттарға ярҙам итеү артабан дә дауам итәсәген әйтте, фронт менән тылдың берҙәмлеге Еңеүҙе яҡынайтыуына шик ҡалдырмауын да өҫтәне. Унан тыш осрашыуға "Джамбо" һәм "Монгол" позывнойлы батырҙарҙы ла саҡырғайнылар.

Батыр ауылдаштарыбыҙҙың ғәзиз кешеләре исеменән һүҙ һөйләгән Рәйхана Камил ҡыҙының күҙ йәштәре аша әйткән рәхмәттәренә, теләгән теләктәренә битараф ҡалыу мөмкин түгел ине, сөнки был мәхшәр эсендә уның өс яҡыны йөрөй.

Фото: Мәрүәрә Пирғәлина.

Автор:Илдар Акьюлов
Читайте нас: