"Куба" ялға ҡайтҡан

Ошо көндәрҙә Хәйбулла районының Маҡан ауыл мәҙәниәт йортонда Махсус хәрби операцияла ҡатнашыусыларға һәм уларҙың ғаилә ағзаларына ярҙам итеү йылы сиктәрендә, «Куба» позывнойлы яугир менән осрашыу үткән. Ул хәрби хәрәкәттәр биләмәһенән ҡыҫҡа ваҡытлы ялға ҡайтҡан.

Сара йылы һәм күңелле мөхиттә үткән. "Куба" үҙенең хәрби хәрәкәттәрҙә ҡатнашыуы һәм еңеүгә табан барған юлда ауырлыҡтар тураһында хәтирәләрен уртаҡлашҡан. Яугир шулай уҡ дуҫтары һәм ауыр мәлдәрҙә бер-береңә ярҙам итеүҙең мөһимлеге тураһында һөйләгән.

Осрашыуға «Ватанды һаҡлаусылар» фондының социаль координаторы Ләйсән Салауатова саҡырылған. Ул сарала ҡатнашыусыларға Ватанды һаҡлаусыларға бөтә кәрәкле ярҙам сараларын алырға һәм тыныс тормошҡа ҡайтырға ярҙам иткән фондтың эше менән таныштырған. 

Осрашыу аҙағында барыһы ла яугирға ныҡлы һаулыҡ, уңышлы хеҙмәт һәм тиҙ арала еңеү менән ҡайтыуын теләгән. Хөрмәт йөҙөнән ауыл активистары уға үҙҙәре теккән йылы кофта, окоп шырпылары һәм талисман тапшырған.

Шулай уҡ «Куба» мәктәптә балалар менән дә осрашҡан.  Әңгәмә барышында уҡыусылар геройға ҡыҙыҡһындырған һорауҙарын бирә алған. Улар хәрби хәрәкәттәр барышын һәм яугирҙарҙың ниндәй наградалар алыуы тураһында һөйләүен ҙур иғтибар менән тыңлаған.

«Куба» әрме хеҙмәтенең әһәмиәте, Ватанға һөйөү һәм халыҡ алдындағы бурысын үтәүҙең мөһимлеге тураһында ғорурлыҡ менән һөйләгән. Ул шулай уҡ һалдаттарға балаларҙан открыткалар һәм хаттар рәүешендә алған рухи ярҙамдың ни тиклем ныҡ кәрәк булыуын һыҙыҡ өҫтөнә алған. Был хат-хәбәрҙәр яугирҙарға көс һәм ышаныс өҫтәй. Әңгәмәнән һуң  башланғыс класс уҡыусылары бөтә яугирҙарға тиҙ арала өйҙәренә ҡайтыуҙарын теләгән хаттары тапшырған. Уҡыусылар һәм педагогтар ҡыйыу ауылдашына ныҡлы һаулыҡ һәм именлек теләп, ә иҫтәлеккә уға балалар яһаған талисман бүләк иткән.

Хәтерегеҙгә төшөрәбеҙ, Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә.

Өфөлә "Төньяҡ амурҙары" исеме аҫтында граждандарҙы контракт буйынса хәрби хеҙмәткә һайлап алыу пункты эшләй башланы. Хәҙер РФ Оборона министрлығы менән контракт төҙөргә теләүселәргә белешмәләр йыйыу һәм медицина тикшереүе үтеү өсөн төрлө адрестар буйынса йөрөргә кәрәкмәй: быларҙың барыһын да бер урында һәм тәүлек эсендә эшләргә мөмкин.

Пунктты Өфө, Элеватор урамы, 15-се йорт адресы буйынса урынлашҡан "Черемушки" һауыҡтырыу шифаханаһы базаһында астылар. Ул ҡалаға көньяҡтан ингән ерҙә, Тирмән комбинаты районында урынлашҡан. Үҙәккә Башҡортостандан да, башҡа төбәктәрҙән дә контракт буйынса хәрби хеҙмәткә инергә теләгән 18 - 65 йәшлек ир-егеттәр мөрәжәғәт итә ала. Уларҙың теркәлеү урыны иҫәпкә алынмай.Үҙегеҙ менән паспорт, хәрби билет, ғаиләгеҙ, белемегеҙ тураһында документтар, СНИЛС һәм ИНН алырға кәрәк.

Үҙәктә хәрби комиссариат хеҙмәткәрҙәре, табиптар һәм банк вәкилдәре эшләй. Кандидаттарҙың мөмкин тиклем тиҙерәк медицина комиссияһын үтеү, анализдар тапшырыу, документтарын тәртипкә килтереү, кәрәк булғанда "Мир" банк картаһын алыу мөмкинлеге бар. Тап ошо картаға бер тапҡыр бирелә торған түләү һәм эш хаҡы киләсәк. Шулай уҡ бында төндө үткәреү өсөн номерҙар фонды, өс тапҡыр ашатыу хеҙмәте ҡаралған. Былар барыһы ла бушлай. Үҙәктән граждандар хәрби командалар составында шунда уҡ хеҙмәт урынына китә.

Эш хаҡын иҫәпкә алғанда, беренсе йылда түләүҙәрҙең дөйөм суммаһы 4 520 000 һум тәшкил итәсәк.

Башҡортостанда контракт хеҙмәте тураһында тулыраҡ мәғлүмәтте башбат.рф сайтында йәки Ситуация үҙәгендә +7 (347) 218-19-19 телефоны буйынса алырға мөмкин. Шулай уҡ 122 йәки 8 800 550 5525 телефондарына шылтырата алаһығыҙ.

Фото: "Хәйбулла хәбәрҙәре".