Ул Ватанды һаҡлау юлын һайлаған

Махсус хәрби операцияла хеҙмәт иткән яҡташтарыбыҙ даими рәүештә ялға ҡайта. Яңыраҡ Дүртөйлө районынан яугир тыуған ерендә булып, район хакимиәте башлығы менән осрашты.

– Бында уның атай йорто, ата-әсәһе. Атаһы 50 йылдан ашыу электр һәм газ менән иретеп йәбештереүсе булып эшләне, ә әсәһе – уҡытыусы, 5-се ҡала мәктәбендә балаларға белем бирә. Яугир яҡташыбыҙ мәктәпте миҙалға тамамлағандан һуң, Ватанды яҡлау юлын, хәрби хеҙмәтте һайлай - Новосибирск юғары хәрби команда училищеһын ҡыҙыл диплом менән тамамлай.

Хәҙер гвардия подполковнигы Донецк Халыҡ Республикаһында мотоуҡсылар бригадаһы идаралығында хеҙмәт итә. Ә уның янында ҡатыны – хәрби оркестрҙың талантлы солисы, үҙенең уникаль ижады һәм Ватанға тоғро хеҙмәте менән шатландыра.

Яҡташыбыҙ яратҡан Таймырҙа ауылында үткәргән бала сағын, олатай-өләсәйҙәренең каникулдарын айырыуса йылы иҫкә алды. Эйе, Тыуған ил беренсе һуҡмаҡтан башлана, таныш урындарға ғүмер буйы уйҙарың менән ҡабат-ҡабат әйләнеп ҡайтаһың, уларҙы яҡларға ынтылаһың.

Уңыштар һеҙгә, беҙҙең герой! Аллаһ һеҙҙе һәр саҡ һаҡлаһын. Ғорурланабыҙ, – тип социаль селтәрҙәге сәхифәһендә яугир менән осрашыуы хаҡында яҙҙы район хакимиәте башлығы Риф Йосопов.

Фото: Риф Йосоповтың сәхифәһенән.