Ҡуйылған бурысты үтәп…

– Сәнәғәтселәр алдына сит илдән ташылған продукцияны үҙебеҙҙә, республикала етеште­реү­ҙе ойоштороу бурысы ҡуйылды, – тине предприятие директоры Алексей Волошенков. – Беҙ күрһәтмәне үтәп, йыйғыс престар өсөн комплектлау өлөштәре етештерә башлайбыҙ.

“Башпласт” яуаплылығы сик­ләнгән йәмғиәтенең бәләкәй тоннажлы махсус пластификаторҙар етештереү проекты ла ыңғай баһа алды. Компанияның генераль директоры Василий Космынин полимерҙар етештереүҙән тыш, халыҡ ҡулланыуы тауар­ҙарына ла ихтыяж ҙур булыуы хаҡында белдерҙе. Предприятиела ғилми-ғәмәли эшмә­кәр­лекте ойошторорға ниәтләйҙәр. Бында 40 эш урыны булды­рыласаҡ. Проектҡа 470 миллион һум инвестиция һалына.