Ярҙам кәрәкме?

Ике кимәлдәге бюджеттан өс төрлө грант ярҙамына 406 миллион һумдан ашыу аҡса бүлеү күҙаллана. Шуның 56 миллион һумы – эш башлаған йүнселдәргә, 250,4 миллионы – ғаилә малсылыҡ фермаларына, 100 миллион һумы ауыл хужалығы ҡулланыусылар кооперативтарына тәғәйенләнә.

Былтыр фермерҙарға һәм кооперацияға ярҙам күрһәтеү йәһәтенән грант программаларын тормошҡа ашырыуға 750 миллион һум (федераль ҡаҙнанан – 400 миллион һум самаһы, республика бюджетынан – 350 миллион һум) бүленде. Фермерҙар эшкә үҙҙәре йүнәлткән аҡса күләме 260 миллион һумдан ашыу тәшкил итә. Гранттар 220 фермерҙың һәм кооперативтың техник базаһын яҡшыртыу мөмкинлеген бирҙе. Яңы 118 кооператив, 800-гә яҡын яңы эш урыны булдырылды.

Документтар 24-31 майҙа ҡабул ителә. Адресы: Өфө ҡалаһы, Пушкин урамы, 106, 415-се бүлмә, иртәнге сәғәт 9-ҙан киске 6-ға тиклем, төшкө тәнәфес көндөҙгө сәғәт 1-ҙән 2-гә тиклем. Ял көндәре – шәмбе, йәкшәмбе. Белешмәләр өсөн телефондар: 8 (347) 218-05-26, 218-05-64.