Бөтә яңылыҡтар
Иҡтисад
24 Июнь 2019, 00:18

Әбйәлилдән – Баймаҡҡа

Бөтә Рәсәй инвестиция форумының штандарты Баймаҡ районына тапшырылды.

Олег Яровиков фотоһы.
Бөтә Рәсәй инвестиция форумының штандарты Баймаҡ районына тапшырылды.
Был тантаналы мәл бөгөн Әбйәлилдә үткән һабантуйҙа булды.
Сараның эшлекле өлөшө иһә – Урал аръяғындағы инвестиция торошон яҡшыртыуға йүнәлтелгән мөһим осрашыуҙар – киләһе йылда ла Сибайҙа уҙасаҡ.
“Баймаҡтарға уңыштар теләйбеҙ. Улар беҙҙекенән ҙурыраҡ майҙан йыйһын, ҡунаҡтар күберәк килһен”, – тип теләне штандартты тапшырғанда Әбйәлил районы хакимиәте башлығы Илдар Нафиҡов.
“Был бурысты лайыҡлы атҡарасаҡбыҙ. Киләһе йыл барығыҙҙы ла Баймаҡ ерендә ҡунаҡҡа көтәбеҙ”, – тип яуапланы Баймаҡ районы хакимиәте башлығы вазифаһын башҡарыусы Фәнис Әминев.