Баймаҡ аграрийҙары бөгөндән әҙер

Яңыраҡ “Урал аръяғы Агро” машина-технология станцияһы дәүләт унитар ауыл хужалығы предприятиеһының Баймаҡ филиалында иген урыу кампанияһы осоронда комбайндарҙы хәүефһеҙ эксплуатациялау мәсьәләләренә арналған зона семинары үтте.

Сарала Республика дәүләт техник күҙәтеү инспекцияһы белгестәре ошо ауыл хужалығы предприятиеһы техникалары торошон тикшерҙе. Семинарҙа тәжрибәле механизаторҙар менән бер рәттән юғары белем алып йөрөгән студент-практикантарҙың ҡатнашыуы айырыуса шатлыҡлы булды, тармаҡтың яҡты киләсәгенә ышаныс уятты. Эйе, ауыл хужалығына йәштәр киләсәк!

Бындай саралар урып йыйыу кампанияһын уңышлы һәм хәүефһеҙ атҡарыу, техниканың әҙерлек сифатын яҡшыртыу мөмкинлеген бирә.

Баймаҡ аграрийҙары мөһим кампанияға бөгөндән үк әҙер, тик көндәр яҡшы торһон, уңыш мул булһын.