+25 °С
Облачно
Иҡтисад
14 Ноября 2019, 16:00
Сифат уларҙа ҡоро һүҙ генә түгел
“Рәсәйҙең иң яҡшы 100 тауары-2019” конкурсына йомғаҡ яһалды.
Автор фотоһы.
Бөгөн Өфөлә илдәге Сифат аҙналығына ярашлы “Рәсәйҙең иң яҡшы 100 тауары-2019” конкурсына йомғаҡ яһау тантанаһы булды.
Наградаларҙы Башҡортостан Хөкүмәте Премьер-министры урынбаҫары Рәйеф Әбдрәхимов, республиканың Стандартлаштырыу һәм метрология үҙәге директоры вазифаһын башҡарыусы Сергей Севницкий тапшырҙы.
Наградалар бер нисә номинацияға бүлеп бирелде: “Етештереү-техник тәғәйенләнештәге продукция” өсөн – “Башҡортостан сода компанияһы”, “Өфөоргсинтез”, “Салауатстекло” йәмғиәттәре һәм башҡалар, “Халыҡ өсөн сәнәғәт тауарҙары” номинацияһында – “БашИнком”, “Башҡорт фарфоры”, Бәләбәйҙең “Керамика” йәмғиәттәре, “Аҙыҡ тауарҙары” буйынса – “Эко Пышка”, “Ҡырмыҫҡалы икмәк комбинаты” йәмғиәттәре һ.б. Наградланғандар исемлегендә 64 предприятие һәм учреждение бар ине.
Хөкүмәт Премьер-министры урынбаҫары Рәйеф Әбдрәхимов, сәнәғәт һәм энергетика министры Александр Шельдяев, ауыл хужалығы министры урынбаҫары Юрий Лысов наградланғандарға әүҙем һәм маҡсатҡа ынтылышлы эш алып барғаны өсөн рәхмәт белдерҙе.
Автор фотоһы.
