+27 °С
Ясно
Иҡтисад
20 Декабря 2019, 05:40
Инвесторҙар менән осрашыуҙар
Өфөләге “Торатау” конгресс-холында үткән беренсе “Башҡортостан саҡыра!” инвестиция форумы нигеҙендә республика Башлығы Радий Хәбиров Рәсәйҙән һәм сит илдәрҙән төп инвесторҙар – төбәктең стратегик партнерҙары менән эшлекле осрашыуҙар үткәрҙе.
Өфөләге “Торатау” конгресс-холында үткән беренсе “Башҡортостан саҡыра!” инвестиция форумы нигеҙендә республика Башлығы Радий Хәбиров Рәсәйҙән һәм сит илдәрҙән төп инвесторҙар – төбәктең стратегик партнерҙары менән эшлекле осрашыуҙар үткәрҙе.
Көн тәртибенә күләмле инвестиция проекттарын тормошҡа ашырыу мәсьәләләре, дәүләт ярҙамы саралары, шулай уҡ артабанғы хеҙмәттәшлек мөмкинлектәре инде.
– Бөгөн беренсе инвестиция форумын үткәрәбеҙ. Ул яҡшы йолаға әүерелер. Сараға инвестиция шарттарына ҙур йоғонто яһаған партнерҙарыбыҙҙы саҡырабыҙ, – тине Радий Хәбиров. – Форумда 300-гә яҡын инвестор ҡатнаша. Уларҙың ҡайһы берҙәре беҙҙә проекттарын тормошҡа ашыра, ҡайһылары республика менән танышырға, күрергә килгән.
***
“Башнефть” акционерҙар нефть компанияһы асыҡ акционерҙар йәмғиәте президенты Хәсән Татриев менән осрашыуҙа төбәк Башлығы Башҡортостандың төп инвесторы булған компания ошо юҫыҡта эшен дауам итер, тигән ышаныс белдерҙе. Хәсән Татриев, “Башнефть” эшмәкәрлеген юғары баһалаған өсөн Радий Хәбировҡа рәхмәт әйтеп, республикала инвестиция проекттарын тормошҡа ашырыу планға ярашлы дауам итәсәк, тип билдәләне.
***
“Уралсиб” банкы идараһы рәйесе Константин Бобров менән әңгәмәлә Радий Хәбиров финанс институттары эшмәкәрлегенең республика өсөн ҙур әһәмиәткә эйә булыуы хаҡында белдерҙе. Банк етәксеһе торлаҡҡа аҡса туплау программаһы буйынса алып барылған эш тураһында һөйләне. Уның әйтеүенсә, программа халыҡта ихтыяж менән файҙалана, ҡатнашыусылар һаны даими арта. Радий Хәбиров, кәрәк икән, республика уны бюджеттан финанслауҙы арттырырға әҙер, тип билдәләне.
***
“Газпром нефтехим Салауат” яуаплылығы сикләнгән йәмғиәтенең генераль директоры Айрат Кәримов Башҡортостан Башлығы менән осрашыуҙа киләһе йыл предприятиела каталитик крекинг комплексын сафҡа индереүҙең планлаштырылыуы хаҡында һөйләне. Проектҡа инвестиция күләме 42 миллиард һум тәшкил итәсәк. Айрат Кәримов әйтеүенсә, компания республика менән өс инвестиция килешеүе төҙөгән. Уларға ярашлы “Газпром нефтехим Салауат” йәмғиәтенә тейешле дәүләт ярҙамы саралары күрһәтелә. Үҙ сиратында предприятие төбәк сәнәғәтен йылдам үҫтереүгә ҙур тырышлыҡ һала.
