Әйткәндәй, былтыр конкурсҡа бөтәһе 289 ғариза тапшырылған. Дәғүәселәрҙең бер ни тиклем өлөшө һайлап алыу башланғанға тиклем үк төшөп ҡалған. Бары 115 кеше тейешле балл йыйып, еңеүсе тип билдәләнгән.
Аҡса “Фермерҙарға ярҙам системалары булдырыу һәм ауыл кооперацияһы үҫеше” төбәк проектына ярашлы бүленә.
– Комиссия тура эфирҙа эшләне. Һайлап алыуҙың онлайн-трансляцияһы республика Ауыл хужалығы министрлығының “You-Tube” видеохостингындағы каналы аша барҙы. Үҙенең фермер проектын дөрөҫ тәҡдим иткәндәр еңде, – тине Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов.