+24 °С
Дождь
Иҡтисад
23 Мая 2020, 08:00
Ҡайҙа урман һатыла?
20 майҙан 4 июнгә тиклем ғариза бирергә мөмкин.
Башҡортостан Урман хужалығы министрлығы бәләкәй һәм урта эшҡыуарлыҡ субъекттары өсөн аукцион иғлан итте. Был хаҡта мәғлүмәт 19 майҙа ведомствоның рәсми сайтында баҫылды. Документҡа ярашлы, аукционға бөтәһе 83,550 мең кубометр ағас һатыу буйынса 115 лот ҡуйылған.
Ҡырҡындылар Әбйәлил, Әлшәй, Баймаҡ, Бәләбәй, Балаҡатай, Бөрйән, Дыуан, Дүртөйлө, Йылайыр, Иглин, Инйәр, Ҡариҙел, Нуриман, Тирлән, Туймазы һәм Учалы урмансылыҡтары биләмәләрендә урынлашҡан.
Аукцион 10 июндә уҙасаҡ. Унда ҡатнашырға теләгәндәр 20 майҙан 4 июнгә тиклем ғариза бирә ала. Бәләкәй һәм урта эшҡыуарлыҡ субъекттары өсөн уҙғарылған аукцион тураһында тулы мәғлүмәт менән ведомствоның рәсми сайтында – www.torgi.gov.ru танышырға мөмкин.
Фото: Башҡортостан Урман хужалығы министрлығы сайты.
