Эшҡыуарҙар, һеҙҙең иғтибарға!

Алда – сараның өсөнсө көнө. Эшҡыуарҙарҙы ҡыҙыҡлы программа, темалар, исемдәре күптәргә билдәле спикерҙар һәм көнүҙәк һорауҙарға яуаптар көтә. Аҙналыҡ йүнселдәргә уңышлы кейстар нигеҙендә көрсөк хәленән сығыу, шул иҫәптән онлайн-эшҡыуарлыҡты ойоштороу йәһәтенән ярҙам итеүгә йүнәлтелгән.

Аҙналыҡтың төп сараһы – “Милли саҡырыуҙар: төбәктәрҙең һөҙөмтәле тәжрибәләре аша көрсөктө йырып сығыу” Бөтә Рәсәй онлайн-конференцияһы. Ул иртәгә сәғәт 12-лә башланасаҡ. Унда федераль власть органдары һәм Рәсәй төбәктәрендәге эшҡыуарлыҡ үҫеше буйынса бер нисә профилле министрлыҡ вәкилдәре ҡатнашасаҡ.

Ә 16.00 сәғәттә “Эшҡыуарҙар. Уңышлы практикалар” тип исемләнгән “түңәрәк өҫтәл” үткәрелә. Осрашыуҙың модераторҙары – Республика ирекмәндәр хәрәкәте һәм йәштәр башланғыстарына ярҙам итеү үҙәге етәксеһе Алексей Рябченко, Башҡортостандың Эшҡыуарлыҡ буйынса агентлығы генераль директоры Ирек Гәрәев.

Был саралар YouTube платформаһында ойошторола. Трансляция өсөн һылтанма: https://biznestur.bashkortostan.ru/. Ә унда ҡатнашырға теләгәндәр forum102.ru- ла теркәлә ала.

Фото: vedtver.ru