+20 °С
Болотло
Иҡтисад
28 Май 2020, 19:55
"Башҡортостан ғына түгел, тотош округ өсөн мөһим"
"Алға" махсус иҡтисади зонаһын булдырыуға бәйле Дәүләт Думаһы депутаты Владимир Гутенев шундай фекерҙә.
Алдан хәбәр итеүебеҙсә, Рәсәй Хөкүмәте Премьер-министры Михаил Мишустин Башҡортостанда “Алға” махсус иҡтисади зонаһын булдырыуҙы раҫланы. Федераль эксперттар был йәһәттән үҙ фекерен белдерҙе.
Дәүләт Думаһы депутаты Владимир Гутенев әйтеүенсә, махсус иҡтисади зоналар схемаһы үҙен Рәсәйҙең башҡа төбәктәрендә тик яҡшы яҡтан күрһәтеп өлгөргән.
"Был Башҡортостан ғына түгел, бар Волга буйы федераль округы өсөн мөһим ваҡиға. Махсус иҡтисади зона механизмы үҙен башҡа төбәктәрҙә яҡшы яҡтан күрһәтте. Башҡортостанда “Киләсәк инженерҙары” форумын үткәргәндән һуң күңелдә бик йылы хистәр ҡалғайны. Беҙ Өфө моторҙар эшләү берекмәһе майҙансығын һайланыҡ, унда 40 илдән 100-ҙән ашыу предприятие вәкиле килгәйне.
Башҡортостанда бына тигән юғары уҡыу йорттары бар. ӨДНТУ - беҙҙең традицион партнер, ул юғары квалификациялы кадрҙар әҙерләй. Был зонала күҙалланған преференциялар бик һәйбәт инвестиция мөмкинлектәре булдыра", – тине ул.
Фото: bash.news
