+15 °С
Дождь
Иҡтисад
17 Июля 2020, 16:38
“Йәштәр бик кәрәк"
Бөгөн ауыл эшсәндәре өсөн иң яуаплы һәм ҡыҙыу мәл. Бөтә мөмкинлектән файҙаланып, мал аҙығы әҙерләп ҡалмаһаң, ҡыш ауырға төшәсәген һәр кем яҡшы аңлай, шуға ла Әлшәй хужалыҡтарында төп иғтибар бесәнлектәргә йүнәлтелгән. Әле бында “йәшел ураҡ” ҡыҙыу бара. Иртәнән кискә тиклем болондар гөрләп тора. Бер урында бесән сапһалар, икенсе ерҙә сенаж, силос хәстәрләйҙәр. Дым ҡаплатыу ҙа уңышлы ойошторолған.
Бөгөн ауыл эшсәндәре өсөн иң яуаплы һәм ҡыҙыу мәл. Бөтә мөмкинлектән файҙаланып, мал аҙығы әҙерләп ҡалмаһаң, ҡыш ауырға төшәсәген һәр кем яҡшы аңлай, шуға ла Әлшәй хужалыҡтарында төп иғтибар бесәнлектәргә йүнәлтелгән. Әле бында “йәшел ураҡ” ҡыҙыу бара. Иртәнән кискә тиклем болондар гөрләп тора. Бер урында бесән сапһалар, икенсе ерҙә сенаж, силос хәстәрләйҙәр. Дым ҡаплатыу ҙа уңышлы ойошторолған.
Районда тәүгеләрҙән булып мал аҙығы етештереүгә төшкән “Агрокоопинвест” йәмғиәте эшсәндәре лә эште ҡыҙыу тота. Беҙ килгәндә бында сенаж әҙерләп, хуш еҫле бесән дә хәстәрләйҙәр ине. Хужалыҡтағы 630 баш малдың 320-һе – һауын һыйыры. Ҡышын да аҡты кәметмәү өсөн йәйен сифатлы аҙыҡ запасы туплап ҡалыу мөһимлеген онотмайҙар бында. Бесән менән бергә һутлы аҙыҡ етештереүгә лә етди иғтибар бирелә.
Йәмғиәт эшсәндәре көс һәм дәрт менән “йәшел ураҡ”ҡа тотонған. Малсылыҡ менән ныҡлап шөғөлләнеүселәргә йәшел массаның ни тиклем файҙалы икәнлеген аңлатып тораһы юҡ. Ауыл эшсәндәренә өс мең гектарҙа көҙгө уңышты йыйып алыу бурысы тора. Әле кәзә үләненә эспарцет һәм донник ҡушып сенаж һалалар.
– Талап ителгән технологияларҙы теүәл үтәргә тырышабыҙ, – ти хужалыҡтың баш агрономы Айрат Арыҫланов. – Мәҫәлән, ҡайһы берәүҙәр сенажды тәгәрмәсле тракторҙар менән тығыҙлаһа, беҙ бындай кәмселеккә юл ҡуймайбыҙ. Йәшел массаны ҡеүәтле “Алтай” тракторы тапата.
Киң яланда тәмле бесән еҫе таралған. Егеттәрҙең берәүһе үҙенең “тимер ат”ында күп йыллыҡ үләнде саба, водителдәр иһә тиҙ арала уны “КамАЗ” машиналарында соҡорҙарға илтә.
Егеттәрҙе Айрат Арыҫланов маҡтап бөтә алмай.
– Һәр береһе үҙ эшен яҡшы белә. Кәрәк булһа, техниканы йәһәт кенә ҡарап, йүнәтеп алалар. Бөгөн ауыл хужалығын тап ошондай аҫыл ир-ат тотоп тора ла инде, – ти ул.
Хужалыҡ етәкселеге билдәләүенсә, ололарға алмашҡа йәштәр кәрәк икән, бөгөн, мәҫәлән, иң йәшенә 55 – 60 йәш. Махсус белемле белгестәргә әлегә ихтыяж юҡ, әммә улар ҙа пенсия йәшендәләр. “Әлбиттә, был проблема беҙҙә генә түгел, күп урындарҙа йәштәрҙең юҡлығына борсолалар. Хеҙмәт хаҡы ла ауыл ере өсөн яҡшы тип уйлайым, уртаса эш хаҡы, мәҫәлән, 20 мең һум тәшкил итә”, – ти баш агроном.
