-4 °С
Болотло
Бөтә яңылыҡтар
Иҡтисад
13 Август 2020, 20:00
“Финанс мөмкинлектәребеҙҙе арттырырға ярҙам итер”
Мөһим килешеүгә ҡул ҡуйылды
13 августа Республика йортонда Башҡортостан Башлығы Радий Хәбиров һәм “Открытие” банкы идараһы рәйесе Михаил Задорнов төбәк Хөкүмәте менән финанс корпорацияһы араһында хеҙмәттәшлек тураһындағы килешеүгә ҡул ҡуйҙы.
Был документ Башҡортостандағы уңайлы инвестиция мөхитен барлыҡҡа килтереүҙе тәьмин иткән өҫтөнлөклө милли, федераль, тармаҡ һәм төбәк проекттарын тормошҡа ашырыуҙы, республиканың конкурентлылыҡ һәләтен һәм инвестиция йәһәтенән йәлеп итеүсәнлеген, төбәктә йәшәүселәрҙең имен тормошо кимәле үҫешен күтәреүҙе күҙ уңында тота. Айырым алғанда, яҡтар мәғариф, һаулыҡ һаҡлау, спорт, мәҙәниәт өлкәләрендә, мотлаҡ рәүештә дәүләт һәм шәхсән партнерлыҡ механизмдарын файҙаланып, хеҙмәттәшлек итергә уйлай.
Радий Хәбиров республика менән “Открытие” банкының берлектәге эше уңышлы һәм һөҙөмтәле булыр тигән ышанысын белдерҙе.
– Һеҙ – төбәктәрҙә көс сығанағы барлығын күргән банк һәм һеҙҙең менән эшләүе яҡшы буласаҡ, – тине Башҡортостан Башлығы. – Бөгөн беҙ хеҙмәттәшлек итеүҙең яңы этабына күсәбеҙ. Был берҙәм эшмәкәрлекте яҡшыртыуға һәм финанс мөмкинлектәребеҙҙе арттырырға ярҙам итер, тип уйлайым.
Михаил Задорнов Башҡортостанды иҡтисади ҡеүәт һәм төбәк иҡтисады күләме йәһәтенән илдәге төп төбәктәрҙең береһе булыуы хаҡында әйтте.
– Маҡсатыбыҙ – финанс хеҙмәттәрен һәр кем файҙалана алырлыҡ итеү һәм уның сифатын күтәреү, мәғариф, һаулыҡ һаҡлау предприятиелары һәм муниципаль ойошмалар өсөн эш хаҡы проекттары, бағыусылыҡ ярҙамы, – тине финанс корпорацияһы президенты – идара рәйесе. – Бәләкәй һәм урта эшҡыуарлыҡҡа кредит биреү – “Открытие” банкының төп йүнәлештәренең береһе. Беҙ киләсәктә лә көрсөк арҡаһында зыян күргән тармаҡтарға ошо секторҙы тотороҡландырыу өсөн ярҙам итергә, эшҡыуарлыҡҡа отошло шарттар булдырырға уйлайбыҙ.
Фото: glavarb.ru.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43