+21 °С
Облачно
Иҡтисад
15 Сентября 2020, 05:30
Киләсәге өмөтлө булһа ғына...
Республикабыҙ Хөкүмәтенең күптән түгел булып уҙған ултырышында Хөкүмәт Премьер-министрының беренсе урынбаҫары Андрей Назаров етәкселегендә “Башҡортостанда сәнәғәтте үҫтереү һәм уның көнәркәшлеген күтәреү” дәүләт программаһына үҙгәрештәр индереү мөмкинлеге ҡаралды.
Республикабыҙ Хөкүмәтенең күптән түгел булып уҙған ултырышында Хөкүмәт Премьер-министрының беренсе урынбаҫары Андрей Назаров етәкселегендә “Башҡортостанда сәнәғәтте үҫтереү һәм уның көнәркәшлеген күтәреү” дәүләт программаһына үҙгәрештәр индереү мөмкинлеге ҡаралды.
Сәнәғәт һәм энергетика министры Александр Шельдяевтың ошо үҙгәрештәр проекты буйынса сығышынан күренеүенсә, был эштең маҡсаты – бөгөн нигеҙ булып торған һәм киләсәге өмөтлө тармаҡтарға ярҙам итеү. Дәүләт программаһы түбәндәге бүлектәрҙән тора:
– сәнәғәт һәм энергетика ҡеүәттәрен көсәйтеү;
– урман сәнәғәте комплексын үҫтереү;
– еңел сәнәғәтте һәм халыҡ ижады кәсептәрен үҫтереү.
Дәүләт программаһын 2024 йылға саҡлы үҫтереү 1,8 миллиард һум талап итәсәк. Был ҡарарҙы ҡабул итеү сәнәғәт комплексына инвестиция ресурстарын йәлеп итеү, ҙур инвестиция проекттарын тормошҡа ашырыу, етештереүҙе һәм технологияларҙы яңыртыу өсөн шарттар тыуҙырасаҡ, шулай уҡ Башҡортостандың энергетика инфраструктураһын ҡулланыусылар өсөн асығыраҡ итәсәк.
Башҡортостан сәнәғәте илебеҙҙең көнәркәшлек шарттарына яҡшыраҡ яраҡлашҡан төбәктәре исемлегенә инә. Ошо йылдың тәүге яртыһында бындай шарттарға һәләтле сәнәғәт продукцияһын экспортлау 887,17 миллион доллар тәшкил иткән. Көнәркәшлек һәләтен үҫтереүҙең Рәсәй Сәнәғәт министрлығы раҫлаған программаны тормошҡа ашырыуҙа республиканың 16 ойошмаһы ҡатнаша. Быйыл министрлыҡ ошо предприятиелар менән әлеге программаны үтәү һәм был йүнәлештә дәүләт ярҙамы күрһәтеү тураһында килешеүҙәр төҙөйәсәк.
