Катар менән хеҙмәттәшлеккә әҙербеҙ

Катар дәүләте илсеһе Фәхәд бен Мөхәммәт әл-Әттыйя Өфөләге “Халыҡ-ара бизнес аҙналығы”нда ҡатнашырға ниәтләй. Уның Башҡортостан Хөкүмәте Премьер-министры Андрей Назаров менән осрашыуында ошо турала һөйләшеп килештеләр.

– Башҡортостан Башлығы Радий Хәбировтың исеменән Катар делегацияһын беҙҙең “Халыҡ-ара бизнес аҙналығы”на саҡырҙым, – тине Андрей Назаров.

Кәңәшмәлә Катар менән Башҡортостан Республикаһының үҙ-ара эш итеү мәсьәләләре тикшерелде. Катар илсеһе әйтеүенсә, улар Рәсәй менән төрлө өлкәләрҙә хеҙмәттәшлек итергә ниәтләй. Башҡортостан иһә Катар өсөн стратегик партнер булырға әҙер.

– Киләһе йыл яҙ Башҡортостан бизнес-делегацияһының Дохаға сәфәрен планлаштырабыҙ. Катар ҡунаҡҡа киләсәк Петербург халыҡ-ара иҡтисади форумына беҙ аныҡ һөҙөмтәләр һәм яйға һалынған иҡтисади бәйләнештәр менән барырға тейешбеҙ, – тине Башҡортостан Премьер-министры.

Фото: mgazeta.com