Салауат ҡалаһы – еңеүсе!

Салауат ҡалаһы “Рәсәйҙең халыҡ тормошо сифатын күтәреү өлкәһендә иң яҡшы муниципаль берәмек” Бөтә Рәсәй конкурсында еңеп сыҡты. Быйыл ғинуарҙа был абруйлы конкурсҡа йомғаҡтар яһалған.

“Конкурста һигеҙ номинация булды. Беҙ иң абруйлыларының береһендә еңеп сыҡтыҡ, тип иҫәпләйем, сөнки тап ул салауаттарҙың нисек йәшәгәнлеген сағылдыра. Ысынлап та, был награда беҙҙең өсөн мөһим. Әммә уны аванс булараҡ ҡабул итәм, сөнки беҙҙең тағы пландарыбыҙ күп әле”, – тип белдергән Салауат ҡалаһы хакимиәте башлығы Игорь Миронов.

Шулай итеп, Салауат ҡалаһы “Иҡтисадтың үҫеше тармағында идара итеүҙең юғары сифаты өсөн” номинацияһында еңеп сыҡҡан. Ә был конкурсты иһә “Бюджет” нәшриәт йорто үткәрә.

Фото: siss.ru