+21 °С
Болотло
Иҡтисад
17 Март 2021, 17:30
Ишембай инвесторҙар өсөн асыҡ
Мәскәүҙә Ишембай районы вәкилдәре өсөн “Эшҡыуарлыҡ сәғәте” үткән. Был хаҡта район хакимиәте башлығы Азамат Абдрахманов хәбәр итте.
Мәскәү ҡалаһында Ишембай районы вәкилдәре өсөн “Эшҡыуарлыҡ сәғәте” үткән. Был йәһәттән Ишембай районы хакимиәте башлығы Азамат Абдрахманов социаль селтәрҙәрҙә фекерҙәре менән уртаҡлашты.
“Беҙҙең өсөн был мөһим осрашыуҙы “Торатау” бизнес-клубы ойошторҙо. Башҡортостандың Рәсәй Президенты ҡарамағындағы Тулы хоҡуҡлы вәкиллегендә баш ҡаланың бизнес-йәмәғәтселеге вәкилдәре менән осраштыҡ. Беҙҙең өсөн иң мөһиме – республиканың инвестиция йәһәтенән ылыҡтырыусанлығын арттырыу һәм төбәгебеҙҙең индустриаль үҙәге булған Ишембай районына капитал йәлеп итеү.
Ҡала ла, район да төҙөлөш, ҡала мөхитен төҙөкләндереү, туризм һәм глэмпинг, IT-сфераны үҫтереү менән шөғөлләнгән ойошмалар өсөн бик ҡыҙыҡлы булды. Ошонда уҡ Старостин исемендәге “Спартак” халыҡ-ара физкультура-спорт йәмғиәте рәйесе Евгений Ловчев һәм Бөтә Рәсәй футбол федерацияһы президенты Анзор Кавазашвили менән осраштыҡ. Улар беҙҙең ҡаланың көньяҡ өлөшөндә спорттың уйын төрҙәрен – баскетбол, футбол, волейбол, өҫтәл һәм ҙур теннистарҙы – үҫтереү өсөн ҙур бер кластер булдырырға планлаштыра. Беҙҙең район ресурстарға бай – тәбиғәт, кадрҙар, инфраструктура. Беҙ тулыһынса инвесторҙарыбыҙға ярҙам итергә әҙербеҙ”, - тип яҙҙы ул.
Фото: "Бәйләнештә".
