+21 °С
Болотло
Иҡтисад
31 Март 2021, 14:30
Объектты финанслауҙа тотҡарлыҡ булмаясаҡ
Өфөнән Көнсығыш яҡтан сығыу юлы проекты даими һәм тотороҡло финанслана, тип белдерҙе журналистарға Федераль юл агентлығы етәксеһе.
Өфөнән Көнсығыш яҡтан сығыу юлы проекты даими һәм тотороҡло финанслана, тип белдерҙе журналистарға Федераль юл агентлығы (“Росавтодор”) етәксеһе вазифаһын ваҡытлыса башҡарыусы Роман Новиков.
“Күләм ҙур – 33,5 миллиард һум, уларҙың 19,9 миллиард һумы – федераль ярҙам, уны Федераль юл агентлығы күрһәтә. Беҙ 5,1 миллиард һум бирҙек. 2021 йылда был объектҡа тағы ла 2,6 миллиард һум йүнәлтергә йыйынабыҙ”, – тип билдәләне Роман Новиков.
Уның һүҙҙәренсә, Көнсығыш яҡтан сығыу юлын төҙөү буйынса билдәләнгән барлыҡ пландар финанс йәһәттән тәьмин ителәсәк.
“Әлбиттә, проектты артабан тормошҡа ашырыу төҙөлөш-монтаж эштәрен үтәү барышына бәйле буласаҡ. Объектты ваҡытында йәки алдан тамамлау, әлбиттә, сифатҡа зыян килтермәҫкә тейеш. Объект төҙөлөшөнөң финанс нигеҙе буйынса хәүеф юҡ. Төҙөүселәргә рәхмәт белдерәм һәм уңыштар теләйем”, – тине “Роставтодор” етәксеһе.
Фото: Башҡортостан Башлығының матбуғат хеҙмәте.
