+21 °С
Болотло
Иҡтисад
19 Апрель 2021, 10:45
Совет майҙаны нисек үҙгәртеләсәк?
Рәсәйҙең билдәле скульпторы Салауат Щербаков Өфөләге Совет майҙанын үҙгәртеп ҡороуға үҙгәрештәр индерергә тәҡдим иткән.
Рәсәйҙең билдәле скульпторы Салауат Щербаков Өфөләге Совет майҙанын үҙгәртеп ҡороуға үҙгәрештәр индерергә тәҡдим иткән.
Салауат Александрович яңы проектҡа нимә инәсәге хаҡында “Башинформ” мәғлүмәт агентлығына хәбәр иткән. “Өс өлөштән тора. Фигура үҙе, Бөйөк Ватан һуғышының, генерал Шайморатов батырлығының барлыҡ тарихы, ил һәм Башҡортостан өсөн мәғәнәһе. Икенсеһе – Совет майҙаны үҙе, уның барлыҡҡа килгән майҙаны, совет осоро классикаһы. Скульптурала романтик, героик рухты күрһәтеү, башҡорт, совет батырлығы рухын сағылдырыу, майҙанды парадлыраҡ, байрамсараҡ, героизм менән хәтерҙең бөйөклөгөн яңғыратыу. Өсөнсөһө – йола булған циркуль архитектураһының ике темаһын берләштерәсәк колоннада. Уның аналогары Санкт-Петербургта, Европала, Өфөлә лә бар. Эшлекле һәм рәсми майҙандай пафослы майҙан эшләү идеяһы барлыҡҡа килде. Бында, Мәскәүҙәге Ҡыҙыл майҙандағы кеүек, концерттар, саралар ойоштороп, тантаналы даталарҙы, геройҙарса героик ваҡиғаларҙың юбилейҙарын билдәләп буласаҡ”, - тигән Салауат Щербаков.
Скульптор һүҙҙәренә ҡарағанда, өлкәндәр һәм бәләкәй йәйәүлеләр өсөн уңайлы итеү тәҡдим ителә. Майҙанда колоннада, батырлыҡ ваҡытындағы Шайморатовҡа һәйкәл ҡуйыласаҡ, һәйкәлдә – башҡорт халҡының геройҙарса үткәне рельефы – 112-се Башҡорт кавалерия дивизияһы, йәнә ата-бабаларыбыҙҙың 1812 йылғы Бөйөк Ватан һуғышы ваҡытында Парижға ингән башҡорт атлыларының тарихы.
Әлеге ваҡытҡа проекттың художестволы өлөшө әҙерләнгән. Архитектор һүҙҙәренә ҡарағанда, эштәрҙе 2022 йылдың 9 майына тиклем атҡарыу планлаштырыла.
Хәтерегеҙгә төшөрәбеҙ, дүшәмбе Хөкүмәттә үткәрелгән кәңәшмәлә республика Башлығы Совет майҙаны проекты үҙгәрештәрен ҡарарға ҡушты. Ошондай тәҡдим менән Радий Хәбировҡа Рәсәй Федерацияһы Художество академияһының дүрт академигы мөрәжәғәт иткән. Улар араһында Салауат Щербаков та булған. Ул Рәсәй Геройы, генерал Миңлеғәле Шайморатовҡа һәйкәл буйынса конкурста еңгәйне.
Фото: “Башинформ”.
