Маркетплейс ҡулланыу баҙарын киңәйтә

"Башҡортостан Хөкүмәте эшҡыуарлыҡ секторын яҡлау бурысын ҡуйҙы. АТМО-ла ҡатнашыу һәм Bash.market төбәк маркетплейсы - ошо бурысты хәл итеүгә булышлыҡ итәсәк алымдарҙың береһе. Маркетплейсҡа тауарҙары тураһында мәғлүмәт ҡуйып, етештереүселәр үҙ продукцияһын киңерәк танытыу, заказсылар менән туранан-тура эш итеү, һөҙөмтәлә ҡулайлы хаҡтар билдәләү мөмкинлегенә эйә буласаҡ", - тип билдәләне Башҡортостандың Конкуренциялы сәйәсәт буйынса дәүләт комитеты рәйесе Гөлшат Арыҫланова.

Маркетплейс эшҡыуарҙарға платформа нигеҙендә ҙур булмаған интернет-магазин булдырырға һәм ҡулланыу баҙарын киңәйтергә мөмкинлек бирә. Етештереүселәр түбәндәге өҫтөнлөктәргә эйә:

- кооперацияны үҫтереү өсөн ҡатнашыусылар, етештереүселәр, шулай уҡ финанс, логистика, страховка хеҙмәттәре күрһәткән компаниялар иҫәбен күбәйтеү мөмкинлеге;

- дәүләт хеҙмәттәре менән бәйләнеш;

- партнер компаниялар Башҡортостан етештереүселәре тураһында көнүҙәк мәғлүмәтте тиҙ арала аласаҡ.

Сәнәғәт эксплуатацияһына индергәндән һуң (2020 йылдың ноябре) АТМО эшмәкәрлегенең һөҙөмтәләре түбәндәгесә:

- 3,5 мең самаһы заказсы һәм 4,5 меңдән ашыу тауар менән тәьмин итеүсе теркәлгән;

- АТМО ярҙамында 11 меңдән ашыу килешеү төҙөлгән;

- килешеүҙәрҙең дөйөм суммаһы бер миллиард һумдан артҡан;

- экономия 5,4 процент (67 миллион һумдан ашыу) тәшкил иткән.

Тәүге һөҙөмтәләр бик яҡшы. АТМО һатып алыуҙарҙың асыҡ булыуын тәьмин итә, баһалау, анализлау процедураларын контролдә тотоу мөмкинлеген бирә.

Фото: businessbashkiria.ru